الخميس، نوفمبر 15، 2007

حفصتوتشا

و الله قمر


بس رجعت اقول مليون شكرا لحفصه الجميله
بجد اسعدتني مكالمتها جدا جدا جدا
بحس اد ايه في ناس جميله في الدنيا
مش بتعرفك شخصيا
بس بتسأل عليك
دي هيه حفصه
بتكلمني كتير رغم انها عمرها ما شافتني
و ياريت هيه في نفس البلد لأ دي في قاره تانيه
دي قمه كرم الاخلاق.....حفصه تسعدني صداقتك


الخميس، أغسطس 16، 2007

i will be back soon

Hi all
I will (ensha allah) be back soooooooo soooooooon
sorry for being late , i have many things to do this summer
miss u alllllllllll

الجمعة، أبريل 27، 2007

مين جرالو ايه؟؟؟؟؟


معرفش ليه انا كتبت البوست ده؟؟ رغم اني كنت حأكتب عن موضوع كتاب

اجلته للمره الجايه

ايها المدونون

اعلمو و اعو

في شخص اسمه ديفيد سانتوس

او ديفيد صندوق زي ما كلبوزه مسمياه

من غير شتومه

اهئ اهئ اهئ

ظريف جدا( و انا كازه على اسناني)ـ

بيعلق عندنا كلنا تقريبا

بس بجد هو ظاهره

لافاهم احنا كتبين ايه

و لا احنا فاهمين هو عايز ايه

بدا بيوم سعيد و اسبوع سعيد بعيدن بعت الكلمتين دول للكل في التعليقات:ــ


em Portugal, a chamada REVOLUÇÃO DOS CRAVOS, e a queda do (poder) dos inimigos do povo.

25 de Abril, sempre.Day 25 of April of 1974 was the day of it knocks down of the dictatorship fascist in Portugal, the call REVOLUTION OF the flowers, and the fall of the power of the enemies of the people. 25 of April, forever!

يوم 25 نيسان 1974 كان يوم تقرع عليها من الديكتاتوريه الفاشيه في البرتغال والدعوة للثورة الزهور ، وسقوط سلطة أعداء الشعب. 25 نيسان ، الى الابد!

День 25 апреля 1974 года, в день он постучит в воздухе фашистской диктатуры в Португалии слово О РЕВОЛЮЦИИ цветы, и падение власти враги народа. 25 апреля, навсегда!

Le jour 25 d'avril de 1974 était le jour de lui frappe vers le bas du fasciste de dictature au Portugal, de la RÉVOLUTION d'appel des fleurs, et de la chute de la puissance des ennemis du peuple. 25 d'avril, pour toujours !

Tag 25 von April von 1974 war der Tag von ihm klopft unten vom Diktaturfaschisten in Portugal,
von der Anruf REVOLUTION der Blumen und vom Fall der Energie der Feinde von den Leuten.
25 von April, für immer 25天41974年的一天,它拍下來的法西斯獨裁政權,葡萄牙 號召革命的鮮花,秋天的權力得到人民的敵人. 25日,永不停息


اهي باكتر من لغه!!!ـ

بالله عليكو حد فهم حاجه؟؟؟

مش تجريح و الله بس

فاشيه ايه؟

ديكتاتوريه مين؟؟

طب و احنا مفروض نعمل ايه يعني

ماشي في الاول يسعد صباحك و مساك

طب الزبده يعني هو عايز ايه؟؟



الي خلاني اكتب ده ان مش لوحدي اتخنقت

قريت رد المدون الجميل صاحب مدونه اكتب بالرصاص عليه خلاني مت على روحي من الضحك

بعد اذن اكتب بالرصاص رده كان :ـ


يا جماعة حد يشيل الراجل دا من قدامي كل ما افتح مدونة الاقيه فيها ،

وهو لا بيفهم لا عربي ولا انجليزي واللي طالع عليه ..اجازة اسبوع جيدة ،

عمل كويس ارحمني يا عم ديفيد حد مصلتك عليا ؟


و كلبوزتي صبرت عليه كتير بعدين ردت (بعد اذنك طبعا)ـ


يوم 25 نيسان 1974 كان يوم تقرع عليها من الديكتاتوريه الفاشيه في البرتغال والدعوة للثورة الزهور ،

وسقوط سلطة أعداء الشعب. 25 نيسان ، الى الابد! --

ينادشتي؟!!

يا حومتي؟!!

هيا سَلطة اعداء الشعب اتدلقت ؟؟؟محدش قالي طيب ميجراش حاجة نعمل غيرها بس

ثورة الزهور دي بينها كويسة دي جنب الحديقة الدولية؟ و لا ورا المجمع؟

الى الابد؟؟

يحميك لشبابك يا صندوق يا خويا

و انا كمان الى الابد و لا يهمك


طيب الراجل ده يا نعلمو عربي

يا يرحمنا بقه

معلش يا صندوق يا خويا

يا تفهم

يا تفهنا انتا عايز

ايييييييييييييه


و اسبوع سعيد

اجازه سعيده

و كل سنه و انت طيب

و هانيالك يا فاعل الخير و السواب

حسنه قليله تمنع بلاوي كتير



الثلاثاء، أبريل 24، 2007

صديقي الصدوق

و أخيرا كتبت 2 بوست و طارو
بس البوست دا اتكتبلو النجاه و الحمد لله

بصو انا حأكتب عن صديقي الصدوق
الي مش ممكن ابدا اقدر استغني عنه
القرايه , عندي كده تقريبا حاله من حالات الادمامن
الحاجه الوحيده الي بتخليني انسى الدنيا و اقعد لها
ووقت القرايه قبل النوم مقدس حتى لو صفحه ياه بحس
احساس جميل اصل الي عندو هوايه و بيحبها و بيحققها
بتدي للانساس احساس بالخصوصيه و بنوع من تحقيق الذات مهما كانت


ديوان مكتبه في غايه الروعه , الديكور كله خشب انا بحب الاشياء
المصنوعه من الطبيعه بتدي هدوء نفسي و احساس بالانتماء للحياه
مين غير تدخل معدني و في ارجاء المكان موسيقى هادئه الله عليها
و ناس هناك في غايه الذوق في المعامله , تكلمهم يحجزولك الكتاب و عندهم ديليفري كمان
و فيه كافيه لذيذ للهروب من العالم الواقعي و الاستجمام بالكتب و الموسيقى
و الهدوء
بجد بجد مكان تحفه بحب اروح هناك جدا ... الي بيحب القرايه يروح و مش حيندم
هو في الزمالك.

بصو انصحكو بقرايه :
تاكسي لـ خالد الخميسي رائع عن واقع الحياه باعين سائقي التاكسي
شكلها باضت لـ عمر طاهر لسه بقراها بس جميل جدا بيحكي عن زمن كلنا عشناه بس بصوره جميله
شيكاجو لـ علاء الاسواني التقييم حسب الذوق
الديك دا تور طبعا لـ ايمان بكري شعر و مسرحيه شعريه بس جامده

و في كتير بس دا الي جه في دماغي علشان قريتهم الفتره الي فاتت اصلي بقرا كتاب اسبوعيا
اه في سلسله كتب لــ
allan +barbara pease
جامده جدا بتحكي عن الرجل و المراه بصوره ساخره






التسميات:

الأربعاء، أبريل 18، 2007

انفصال

لا اردري ماذا حصل لي و كيف .؟؟؟؟؟؟؟؟؟؟؟؟؟
لكني انفصل جزئيا عن عالم التدوين
الحقونيييييييييييييييييييي
بلا سبب
دممممممممممم
فجأه
ترا ترا تر ا
ربما الفراغ
هوووووووووووووووووو
ربما عدم وجود ما يكتب
.........................
لكني لن اعتزل
لسه

الخميس، مارس 22، 2007

شئون صغيره




من اروع قصائد نزار قبائي التي اقرئها ثم اعيد قرائتها مئات المرات , في ذكرى عيد ميلاده 3/21

شئون صغيره

تمر بها أنت .. دون التفات

تساوي لدي حياتي

جميع حياتي..

حوادث .. قد لا تثير اهتمامك

أعمر منها قصور

وأحيا عليها شهور

وأغزل منها حكايا كثيرة

وألف سماء..

وألف جزيرة..

شؤون ..

شؤونك تلك الصغيرة

***

وحين أكون مريضة

وتحمل أزهارك الغالية

صديقي.. إلي

وتجعل بين يديك يدي

يعود لي اللون والعافية

وتلتصق الشمس في وجنتي

وأبكي .. وأبكي.. بغير إرادة

وأنت ترد غطائي علي

وتجعل رأسي فوق الوسادة..

تمنيت كل التمني

صديقي .. لو أني

أظل .. أظل عليلة

لتسأل عني

لتحمل لي كل يوم

ورودا جميلة..

وإن رن في بيتنا الهاتف

إليه أطير

أنا .. يا صديقي الأثير

بفرحة طفل صغير

بشوق سنونوة شاردة

وأحتضن الآلة الجامدة

وأعصر أسلاكها الباردة

وأنتظر الصوت ..

صوتك يهمي علي

دفيئا .. مليئا .. قوي

كصوت نبي

كصوت وارتطام النجوم

كصوت سقوط الحلي

وأبكي .. وأبكي ..

لأنك فكرت في

لأنك من شرفات الغيوب

هتفت إلي..

***

ويوم أجيء إليك

لكي أستعير كتاب

لأزعم أني أتيت لكي أستعير كتاب

تمد أصابعك المتعبة

إلى المكتبة..

وأبقي أنا .. في ضباب الضباب

كأني سؤال بغير جواب..

أحدق فيك وفي المكتبة

كما تفعل القطة الطيبة

تراك اكتشفت؟

تراك عرفت؟

بأني جئت لغير الكتاب

وأني لست سوى كاذبة

.. وأمضى سريعا إلى مخدعي

أضم الكتاب إلى أضلعي

كأني حملت الوجود معي

وأشعل ضوئي .. وأسدل حولي الستور

وأنبش بين السطور .. وخلف السطور

وأعدو وراء الفواصل .. أعدو

وراء نقاط تدور

ورأسي يدور ..

كأني عصفورة جائعة

تفتش عن فضلات البذور

لعلك .. يا .. يا صديقي الأثير

تركت بإحدى الزوايا ..

عبارة حب قصيرة ..

جنينة شوق صغيرة

لعلك بين الصحائف خبأت شيا

سلاما صغيرا .. يعيد السلام إليا ..

***

وحين نكون معا في الطريق

وتأخذ - من غير قصد - ذراعي

أحسن أنا يا صديق ..

بشيء عميق

بشيء يشابه طعم الحريق

على مرفقي ..

وأرفع كفي نحو السماء

لتجعل دربي بغير انتهاء

وأبكي .. وأبكي بغير انقطاع

لكي يستمر ضياعي


التسميات:

الثلاثاء، فبراير 20، 2007

ليس بعد

قبل رنين المنبه بدقائق افاقت، كان شيئا ما يقلقها لكي تصحو قبل سماع صوت ذلك الرنين المفزع
فقط يدها تبحث عن مكانه دون النظر اليه ، فشلت و لكن بعد بضع محالات نجحت اغلقت المنبه
رفعت راسها تحاول النهوض ،لكنها تركت نفسها باستسلام لتسقط راسها الى مكانه مره اخري
كان صباحا شتويا هادئا ، من خلف شباك غرفتها كانت هناك محاوله لشعاع صغير لشق طريقه عبر الزجاج ليدخل اليها كاسرا حاجز الظلمه ونجح في ذلك و لفت انتباهها بلونه الذهبي الموشح باللون الاحمر
تململت في مكانها لبرهة كان هناك صراعا داخليا بين قيامها و بقائها
هزت راسها يمينا و شمالا عدت مرات و بسرعه كأنها تحزم امرا و قررت سوف ابقى لقد مللت و قررت عدم الذهاب الى العمل اليوم ، كانت قد ملت الطريق ذاته ، ملت الوجوه التي تراها كل يوم، ملت العبث بذلك الجهاز الالكتروني القابع امامها، على مكتبها، لانجاز مهامها اليوميه
ملت الذهاب و الاياب الى المنزل الذي لم يكن احد ينتظرها فيه لدى عودتها جالساعلى تلك الاريكه المخمليه بلونها الخمري الداكن منتظرا بفارغ الصبر عودتها لتقص عليه احداث يومها و يقص عليها احداث يومه لتحكي له امرا فيطلقا ضحكه معا، ثم يعم بعدها سكون فتلتقي الاعين فنظره الى عيناها التي تلمع و تفيض سعاده ثم تطرق رأسها الى الاسفل من الخجل و تعلو وجنتيها حمره تزيدها جمالا.........ـ
لكن لا احد ينتظر ...لااحد
تعود بعد يوم عمل شاق الى المنزل ،تقف امام الباب تخرج مفاتيحها تضعها في القفل ,دائما عند هذه اللحظه بالذات تحس احساسا يعتصر قلبها و هي تدور بالمفتاح لكي تفتح الباب
تدخل و تنظر الى الفراغ و تستمع الى اللاشئ
هدوءءءءءءءءءءءءء
لماذا الصمت ....لماذا الوحده
ترى بضع اظرف على الارض عند المدخل تجمعها ،تقلبها بين يديها ،البنك النشره الشهريه ... و .. و.. لا احد !!!تضعها على اقرب طاوله مهملتا اياها مع مفاتيحها
تدخل المطبخ ، تفتح باب ثلاجتها و تنظر فيها كمن يبحث عن شئ في الافق تغلقها، و تقرر لن اكل ، لا اشتهي الطعام
تبدل ملابسها و تأخد قصه من على الرف ترمي بنفسها على السرير تقرأ وتقرأ في قصص الحب و الغرام و الغذاب و تهيم بخيالها و تعيش قصه البطله و...تمل من الخيال الذي تهرب اليه كلما تذكرت الواقع
تذكرت احداث يومها المكرر و قالت.... ماذا بعد؟؟؟؟
و الى متى تلك الوحده ...ذرفت الدموع لكنها فجأت اخذت بمسحها بكلتا يديها و صرخت لااا لن اترك نفسي لليأس و انتفضت باحثه عن الساعه ليس بعد ؟
الوقت لم يسرقي سوف اسرقه انا،فستحت الستاره بكلتا يدها كأنها تزيل غبار العتمة التي كانت تملى غرفتها
و اخذت تبحث بين ملابسها عما سوف تلبس في ذلك اليوم،لاليس الاسود و اخرجت ثوبها الارجواني المصنوع من الجوخ و تأنقت و تعطرت بعطرها الفرنسي برائحه الزهور ملائما لثوبها،رفعت شعرها الاسود الحريري كعادتها ،لكن... لا و اسدلته ينساب على كتفيها كانسياب مياه ينبوع نقي ،و بدت زاهيه كطفله مزهوه بلبس العيد
نظرت الى نفسها في المراة كمن ترى نفسها لاول مره ..و ابتسمت
فتحت الباب و قبل اغلاقه نظرت الى تلك الاريكه و ابتسمت كانها تقول لها انتظريه سوف يأتي ..مادام بين ضلوعي قلب ينبض ...اذن الحياه لم تنتهي ليس بعد

التسميات:

الجمعة، فبراير 09، 2007

اخي مدونا

انضم اخي عمار اخيرا الى عالم التدوين
اخي الصغير
رغم الغربه التي تمزق قلبي
و رغم الحدود و البحور التي تفصلنا
و رغم و رغم الا انك في قلبي دائما
و سوف ياتي يوم نهزم المدي و نلتقي
و مهما طال البعاد سوف نظل اخوه
باسمينا بدمنا بذكريات طفولتنا
نعم احتلو ارضنا لكنهم لم و لن يحتلو مشاعرنا
فرقنا المكان ...لككنا سوف نلتقي
اخي الصغير
اشتقت اليك
بان الله سوف نلتقي
http://iroboto.blogspot.com/

التسميات:

الأحد، فبراير 04، 2007

تااااااااج

جاني التاج ده من الغاليه حلم و حبيتشي حفصتوتشا ام مصطفيتش
ايه اللي هيحصل لإيميلك لما تموت ؟
ايه ده بعيد الشر كده و هو انا لما اجي اموت و عندي زي تيته 118سنه لسه حيكون في اميلات ما اظنش حيكون حاجه كده زي التخاطر الفكري عبر القارات بواسطه الموجات الغير مرئيه للموجات الفكريه
اديت الباس وورد لحد قبل كده ؟
اه ابو العيال بس
و أه كانت طبيعة علاقتك بيه ايه ؟
ما قولنا ابو العيال يعني حتكون علاقتي بيه ايه ؟؟؟
اسمك ؟
لأ باردو احنا ما بنتكشف على رجاله دول كانو يموتيني في البلد و تبقى فضيحه و ناس تلف تنادي على اسمي و تنقلب عركه و تطير رقاب و التار و لا عالعار يابوووووووي مشيها ام العيال و خلاص
عمرك ؟
23
و اربه و ثمانون شهرا
ايه حد عندو اعتراض؟؟؟
الراجل يقول اه
برجك ؟
الاســــــــــــــــــــد
و مش حقول برج العظماء علشان ده معروف نياووووو ده قطه قصدي عووووووووووايه ده كلب اممممممممم نيااعوووووهووووووو
مجال دراستك ؟
التوجاره
شخصيتك نوعها إيه ؟
بلدي الاصلي فلسطين
بلد المولد الكويت
بلد ماما الاردن
بلد جواز السفر مصر
شوفو بقه شخصيتي حتكون ازاي تكني كلر
عصبيه نوعا ما
متفائله اغلب الوقت لدرجه الخنقه
مش بعرف افك بسرعه يعني بطلع من اي مود بصعوبه جدا
مظمه لدرجه تفلق و هو ده سبب عصبيتي عايزه الدنيا على مزاجي و مفيش حاجه تتحرك من مكانها ....ايه الخنقه دي
و عندي مشكله دايماااااااااااااااااااا عندي حسن نيه في الناس و كلهم طيبين لحد ما دماغي ورمت من كتر الصدمات
السفر بالنسبه لك ؟
شئ جميل بحبه لو لهدف الفسحه او التعلم بس للهروب من حرب بخاف منه
المود بتاعك ؟
رومانسي شتاءا
متفائل ربيعا
زفت صيفا بكره الحر جداااااااااااا
انا مودي جدا
وقت فراغك بتعمل فيه ايه ؟
مين وقت فراغ ده مصطلح جديد
هو انا لاقيه اهرش
الاكلة المفضلة ؟
الحمد لله على كل حاجه
بس بفصل البيتزا
بس مصيبه لما اكتئب بعيش في التلاجه تقريبا
بطلع غلي في الاكل ممكن اكل اي حد قدامي
الصفات اللي خدتها من بابا ؟
طيبه القلب و الحنيه و برده العصبيه
الصفات اللي خدتها من ماما ؟
انها بتفكر في كل الناس قبل ما تفكر في نفسها
اكتر 6 حاجات بتكرهها ؟
الفشر و الكذب فهما وجهان لعمله واحده
الرغي في التليفون و دي اكتر حاجه
الغرور فمن تواضع لله رفعه
الشخص الي عامل فهمان و ابو العوريف و هو زي الحمار في الزفه مش فاهم حاجه
الفوضىىىىىىىىىىىىىىىى
تطبيق الغسيل جدا جدا جدا مفيش طباقه بالكهربا
اكتر 6 حاجات بتحبها ؟
الرومانسيه ..الورد...الشمع...البدر
..النظااااااااااااااااااااام كل حاجه في مكانها و الا
الحب الحب
اعطاء كل ذي حق حقه
النجاح
بحب الناس كلها
الشغل بالنسبه لك؟
لو بحبه يبقى الحياه كده كملت و جميله ... و انا بحبه
و اثبات للذات و منعا للتخلف انا بحس عقده البيت بتجيب تخلف و ده راي شخصي فقط
ايه الكمبيوتر والانترنت بالنسبة لك ؟
...ايه السوئالات دي...يعني هو انا لو مش بحبه كنت رديت اصلا
اه وقت التدبيس حدبس كل من من غير ترتيب
ملائط
براك
احمد شكير
بنت مصريه
ابيتاف
و كل اصدكائي الي في السيد بار

التسميات:

الثلاثاء، يناير 23، 2007

مجرد صور

لا تعليق
ساعات الكلام بيكون زي الرصاص

وحده

وفاء

فينك .......ليه سبتنا

.
.
.
.
.
.
.
و هكذا هي الحياه
مجرد صور

الاثنين، يناير 22، 2007

هــــــــــــــام جــــداً



هــــــــــــــام جــــداً

اذا كنت تعرف مريض فشل كلوي يحتاج إلى عملية و ليست لديه القدرة المالية .. نرجو أن تخبره بالتفاصيل التالية فقد تبرع رجل أعمال سعودي معروف اسمه معن الصانع بدفع مصاريف إجراء 60 عملية زرع كلية في مستشفى سعودي بالدمام شاملة كافة المصاريف. المستشفى استلمت حتي الأن 4 حالات فقطإذا كنت تعرف مريض يحتاج الى مثل هذه العملية فدعه يتصل بالمستشفى على العنوان التاليمستشفي سعد التخصصي – الدمام – الخبر هاتف رقم :8826666 3 00966 تحويلة 4444 من فضلك ساعد في نشر هذه الرسالة فلعلك تنقذ حياة مريض

الجمعة، يناير 19، 2007

ده شعب فقري

القصيده دي وصلتني على الايميل حبيت تشاركوني بيها خدو عندكو


دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

للشاعر : أحمد فؤاد نجم

الثلاثاء، يناير 02، 2007

لحظه صفاء

اصدقائي المدونين
بهديكم ورده مني ليكم
تعالو في2007
ننسى
ننسى كل حاجه وحشه عدت علينا
نبتدي صفحه جديده
بامال جديده
باحلام جديده
علشان طول مافي قلب بيدق
طول مافي نفس
فييييي امل
ايوه بقولها و كلي تفاؤل في امل
يارب كل احلامنا تتحقق
كل امانينا تتحقق
يارب نعيش بسلام
بصفاء
بهدوء
بصحه

الجمعة، ديسمبر 29، 2006

كل عام و انت بخير

الاثنين، ديسمبر 25، 2006

يوم التدوينه البيضاء

السبت، ديسمبر 09، 2006

دوره حياه الفانيله


ايوه فانيله و ليها دوره حياه اه ليه مفيش حد احسن من حد
القصه انه واحنا في سنه رابعه في الجامعه الدكتور صاحب ماده دراسات الجدوي حب يفهمنا موضوع المنهج فجاب مثال و كان
عباره عن التالي : ال ايه جه راجل فرنساوي على مصر علشان يسوق فوط للمطبخ من نوع محترم نجح في تسويقه في كذا بلد عربي و نجح جدا لعمره الطويل و سهوله تنظيفه و نظافته ...الخ ال ايه اجرب في مصر اصل مصر فيها كذا مليون و اكيد لو 10% اشترو المنتج حكسب ايه؟؟
بس ياعيني الراجل اتكبس و فشل المشروع فشل رزيع مريع ...ليه علشان ما عملش دراسه جدوي للمشروع اي ما عرفش الشعب المصري ازاي بيتعامل مع فوطه المطبخ و هو الشئ الي لو درسه ماكانش فكر يقرب من مصر اساسا بصو بقه :
اولا : الشب من دول مامتو تجيبلو فانيله جديده ايه بقه اتكسا يقوم الشب الشمبله من دول يلبسهاو يخرج على البلكونه لاستعراضها ادام بنات الجيران ال ايه خارج يعمل تمارين ،ضاقت بيه الدنيا و مفيش مكان غير البلكونه ما علينا يالله نبتدي واحد اتنين ..واحد اتنين بص يمين اتنين ثلاته اربعه بص شمال اتنين ثلاته اربعه زق السقف اتنين ثلاثه اربعه ... رايح جاي بيستعرض عضلاته
تعدي الايام و تبتدي الخروم تظهر على الفانيلا تصبح هنا غير صالحه للاستعراض تبتدي يلبسها تحت هدومه زي الناس بعدين خرم و ورا خرم تبقى منخل؟؟؟
ثانيا : ماما ست اقتصاديه ما بترميش حاجه اه لازم تستهلك الحاجه حتى اخر فلس ، ما علينا تاخدها للمطبخ و تتلون الفنيله بالوان المطبخ اشي احمر باميه اشي اخضر ملوخيه اشي اصفر عدس و هكذا لحد ما تبقى خلاص مش قادره تتلون و اتعمل بيها العجب .
ثالثا : نرميها لسه فيها النفس نروح بقه ايه هنا نمسح بيها الجزم بعيد عنكم بس الالون محدوه يا اسود يا بني و هكذا
رابع : فاكرين الشب الظريف بتاع البلكونه ييجي يتجوز تقوم العروسه المحروسه بتفضي شنط العريس و اذ بيها تفوجئ بشئ عير محدد الملامح او الهويه او الون صغير كده و غير معلوم النوع قماش ده و لا ايه تمسكه بقرف بين اطراف طوابعينها و تقول للعريس :ايه دي مسعودي؟؟؟ارميها ؟؟و اذا بالعريس يقفز بالهواء لألألألألألألألألألألألألألألألأ و يمسكها و تكاد عيونه تغرغر بالدموع ترمي ايه ...دي الذكريات و تصبح جزئ من الجهاز .
و هنا عرف المستثمر الفرنساوي انه لا مجال لصناعه فوطه المطبخ لانها لن تصمد امام الفوطه السحريه للست فكريه
الروايه على لسان دكتور دراسات الجدوي لفهم المنهج

الجمعة، نوفمبر 24، 2006


هل تجيئين معي الى البحر ؟
هل تهربين معي من الزمن اليابس الى زمن الماء؟
فلماذا لا نخرج الى البحر؟
ان البحر لا يكرر نفسه
و لا يعيد كتابه قصائده القديمه البحر هو التغير هو الولاده
و انا اريدك ان تتغيري
و ان تغيريني
لنحتمي تحت عباءته الزرقاء...
هل ابوح لكي بسر صغير
انني اصير قبيحا عندما لا اكتب
و اصير قبيحا عندمل لا اعشق
فساعديني على استعاده المجدين
مجد الكتابه
ومجد العشق
فهل تجيئين معي الى البحر؟
لنحتمي تحت عبائته الزرقاء
مقتطفات للرائع
نزار قباني

الأربعاء، نوفمبر 15، 2006

اغرب من الخيال


و الله و الله و الله الكلام الي مكتوب حصل حرف بحرف و انا متأكده انه محدش حيصدق بس هي دي الحقيقه؟؟

بدون اي مقدمات حدخل في الموضوع على طول اصلي لازم احكي القصه دي لاني لحد دلوقت مش مصدقه انها حصلت
بصو يا ساده يا كرام : كنت قاعده بعد الفطار في رمضان الي قبل الي فات و دق الباب قمت اشوف مين قوم حصل الحوار التالي و انا ورا الباب مافتحتش علشان مش من عادتي اني افتح الباب قبل ما اعرف مين و بصيت من العين السحريه ماشفتش حد
انا : مييييييييييييين؟؟؟
الي على الباب :..................؟
انا تاني بقلق :مييييييييييييييييييييييييييييييييييييييييييييييييييين؟؟؟
الي على الباب : لو سمحتي عايز احمد ( ابو العيال ) ؟
انا : اقولو مين ؟
الي على الباب : اندهيلو بس هو مش عارفني؟؟؟؟؟؟
في سري مش عارفك ؟ يعني ايه!!!!! جريت جوه احمد كان في الحمام قعدت اخبط الحق في حد غريب على الباب عايزك معرفوش و بيقول انك ما بتعرفوش برضه ؟؟ احمد قالي طيب انا جاي ؟؟
المهم احمد فتح الباب قالي مفيش حد انا اترعبت بعدين الجرس رن تاني احمد فتح الباب بعدين قالي انا نازل شويه اصل الشب الي جه عايزني في موضوع و هو مش راضي يدخل ؟؟ عايز نتمشى شويه،انا ما اعرفتش اقول ايه احمد نزل و غاب 4 ساعات كنت انهرت خلاص اصل الراجل كان مريب قوي؟؟
في الفتره دي جوزو دخل شريك في مشروع عائلي صغيرقريب من البيت،ليه بقول كده علشان لما رجع سألتو عن سبب التاخير قالي اصل الشب ده بيقول ان والدو كان جارنا من زمان و هو عارفني و شافني في افتتاح المشروع افتكرني و هو جارنا دلوقتي بس هي دي القصه ؟؟؟؟انا بقه قولت :و قالك الكلام ده في 4 ساعات؟؟ جوزو:لأ هو قعد يحكي عن حياته شويه و نفسونبقى اصحاب علشان هو سكن هنه من كام شهر هوه و مراته و ملوش صحاب كده يعني
انا بقه ولعت و ازاي واحد محترم يخبط على الناس في الليل كده عايز يتعرف ؟
جوزو : ما تكبريش الموضوع ده طيب قوي و بعدين ده راجل محترم
انا : محترم ازاي ؟
ركزو هنا قوويييييييييي
جوزو:ده كان ضابط و شغال مع وزير التخطيط و كان يا حرام في حفله و جه ناس ضربو نار على الوزير قام زق الوزير وجت الرصاصه في دماغه حتى وراني مكانها و تخيلي الرصاصه لسه موجوده الدكتور قالو لوحركناها ممكن تعمل شلل اصلها جنب عصب مهم و بعدين الوزير قالو تحب تشتغل في مكان تاني قام قال سمعت انه في في وزاره التخطيط جهه تابعه للامم المتحده عايز يشتغل فيعا هدفها حمايه مصر من اثار الالغام القديمه الموجوده في العلمين وحماية حدودها و وارني كرنيه مختوم ختم النسر باسمه انو شغال في وزارة التخطيط و معاه طبنجه في جنبه معاه على طول اطمني بقه بلاش قلق مش ممكن بعد ده كله تخافي منه
من غير ما اطول اكتر من كده مرت الايام و استاذ ايهاب افندي (الشاب ) بقه لزقه و انا من اول يوم مش مرتحالو تعرف على العيله و بقه لما ييجي يسأل على احمد ما يلقيهوش يرحلو عند بيت اهله وساعات + كنت ارجع من بره الاقيه في البيت مع احمد و الله بلا مبالغه مش عايزه اقول كل يومعندنا و كان طول الوقت زي خيالنا و وساعات يختفي فجأه يقول اصلي جتلي مأموريه للاسكندريه ومره اختفى اسبوع و بعدين حكا قصه غريبه عن الالغام الي في العلمين و طلعو مش عارف كام لغم و الواحد كلفهم 800 دولار و بعدين اتكتب عن الموضوع ده في الجرايد؟؟و مره جه و فجاه رن الموبيل جري بسرعه و بعدها بشويه كان في طيارات حربيه في الجو و لما رجع قال اصل طلبوه علشان في تعبئه للجيش و ما يقدرش يقول اكتر من كده
و بعد حوالي 9 شهور قال لاحمد انه في و ظيفه محترمه في الوزاره تحب تجرب احمد قالو معنديش مانع و طبعا ايهاب باشا عمل البحر طحينه و انها بقاااااااااااد كده وفي 3شهور منحه لالمانيا علشان يكونو على علم بكل جديد بس عايزين مبلغ 1500 جنيه رسوم دمغات و طلب الوظيفه و كده و حلف انه و لا قرش داخل جيبه و جيجيبلو وصل مختوم ختم النسر مش مهم ادي الفلوس
واحمد كل شويه يسأل حصل ايه يا ايهاب،ايهاب يقول قريب اصل لازم لجنه عليا تتعقد و مش عارف مين مسافر و طول الموضوع قوم البيه لخمنا بحكايه تانيه بابايا من متضررين حرب الخليج و كان ليه تعويض عند الامم المتحده و اتأخر ايهاب من ضمن الكلام عرف القصه دي و قال انا ممكن اساعدكم بس سيبوني كام يوم ادوني رقم التعويض و عشمنا بابا و بعد يومين جه و قال لاحمد ، حماك ليه 123600الف دينار كويتي (شايفين الدقه في الرقم و اضرب في 22و شوف كام؟؟ ) و الموضوع ممكن يتحل في بحر اسبوعين، اسبوعين بسسس و بابا من حرب الخليج 1999 ما شفش اي تقدم في الموضوع يمكن يوضع سره في اضعف خلقه ،ايهاب قال : بس في مشكله ان الراجل الي حيخلص الموضوع عايز40 الف جنيه و الله لو كان عليا انا من عايز حاجه بس مش اختصاصي و اتنو عارفين كل حاجه بتخلص بالفلوس و على فكره قام قال اسم بابا و الرمز البريدي ورقم صندوق البريد بابا ساعتها كان عايش بره مصر احنا صعقنا منين عرف الحاجات دي؟؟؟قام قال ده بس علشان تعرفو اني جاد و جبت المعلومات دي من كمبيوتر الامم المتحده يعني مفيش اصدق من كده طب ياسيدي لما تيجي الفلوس تبقى تاخد الي انت عاوزه طلب عربون بس رفضنا و هو ما لحش حتعلرفى بعدين
زهقتو النهايه بقه :من غير تريقه انا في شهر 8 سافرت عن اهلي و فجاه احمد بعتلي رساله بتقول ايهاب طلع نصاب و اتقبض
عليه بس انا بقه كنت حموت كلمتو ما بيحطش منطق فالي لما تيجي بلاش الاجازه تبوظ
الي حصل ان احمد سمع دوشه و هو خارج بص لقى بكس شرطه تحت بيت ايهاب و فيه ايهاب وشه شوارع راح سال الضابط في ايه قالو مراتو بلغت عنه وقالت انو بينصب على الناس هنا الدنيا لفت باحمد وراح جايبو من هدومو الضابط قالو في ايه احمد قالو ده نصب عليا و حكا للضابط الحكايه كلها ...اتاري ايهاب باشا طلع
اولا : مطلوب في قضيه خطف طفل و مطلوب القبض عليه
ثانيا : الرصاصه الي في راسه كانت و هو في الجيش واحد بينظف البندقيه طلعت غلط و صابتو
ثالثا : مش موظف و لا في الامم التحده و لا حاجه ضارب ختم نسر و كرنيه مزور كبيييييييييييييير
رابعا: الطبنجه الي معاه كان فرد امن في شركه هرب و خد المسدس معاه
خامسا : المعلومات الي حابها عننا يوم افتاح المشروع كان معدي سأل في ايه واحد من الي الموجودين قالو افتتاح مشروع فلان ابن فلان و خد منه شويه معلومات و تبلها
سادسا: المعلومات عن بابا اسمه و الرمز البريدي و كده ايهاب كان عندنا و احمد سابو و دخل يصلي قام البيه المحترم نكش في موبيل احمد و قرأ رساله من بابا فيها عنوانو علشان كنا بنبعتلو حاجات بالنسبه لتعويض الامم المتحده قال جه حقول انا السبب و اذا طول حقول اسباب ؟؟؟
سابعا: المعلومات الي كان بيجبها عن العلمين من على النت ؟؟؟؟؟؟
ثامنا : الموبيل لما رن و مشي بسرعة و بعدها الطيارات و قصه الجيش جت صدفه بحته كان موصي حد يرنلو و لما مشي و شاف الطيارات كان في احتفال او تدريب عادي يومها ضرب عصفورين بحجر و قام مخترع القصه اياها
احمد عرف كل ده منه في القسم و كان ايهاب النصاب بيعيط و هو بيحكي القصه دي
ليه ده كله و ليه بقى كده مش حتصدقو اصلو حب بنت الجيران و اهلها كانو رافضين الجوازه دي قام هرب معاها و الشيطان معاهم و لما رجعو مامتها حبت تستر على البنت قامت مجوزاهم بس فضلت حاقده ، قريب ايهاب كانلو فلوس عند راجل مش راضي يرجعهالو قام خطف ابنه ووداه عند ايهاب بس ايهاب ساعتها كان عندو ضمير لسه مامتش ساب الولد بس الولد اعترف عليه قوم ايه الشرطه قبضت على قريب ايهاب و اعترف على ايهاب علشان بوظ الدنيا قام ايهاب هرب و حماتو قلتلو بعدها حكمو عليك 7 سنين و فضل يهرب من هنا لهنا و كل ما يشتغل يطلبو الفيش يهرب لحد ما اتسدت الحياه ادامه قام نصب على الناس و بعدين عرف انو اتحكم
عليه 3 شهور بس مع وقف التنفيذ بعد الحقيقه ما بانت و حماتو اخترعت القصه بتاعت السبع سنين علشان تنتقم منهعلشان الي عملو في بنتها
بس خلاص ايهاب الان حر طليق بيجاول يرجع الفلوس لاصحابها ادانا 500 جنيه و ما شفناش وشه من ساعتها
اه على فكره هو باع كليته و علشان كده ادى شويه ناس فلوسا و جاب عربيه بالباقي؟؟؟؟؟؟
و الله مش عبط بس حسن نيه اصل الواحد لو شك في الناس كلها مش حيعرف يعيش

الجمعة، نوفمبر 10، 2006

عدنا

وحشتتتتتتتتتتتتتتتتتتتتتتتتتوني يا بلوجريه قد(............................كده.................و اكتر) و الله انا اختفيت شهر تقريبا علشان كنت مشغوله جدا وكنت بخطط لمستقبلي بجديه جدا جتلي فرصه شغل بس من نوع مختلف ما تفهمنيش غلط قصدي التقديم لها صعب جدا جدا الى اقصى درجه و الورق المطلوب شبه بحث تقريبا في مجالات مختله الاول يأست و فقدت الامل من صعوبته و بعدين قلت كلا و الف كلا درجه امتحان بيني و بين نفسي علشان اشوف قدراتي اصل المكان الي مقدمه عليه هيئه اجنبيه و قررت اخوض التجربه و طوال الفتره الي فاتت و انا بحاول و بعدين قدمت و قعدت استنا النتيجه و اذ بي افوجئ بتيليفون علشان في مقابله و بعدين جواب مسجل و في اسماء اللجنه ده كلام كبير اول مره اخاف من ساعة امتحانات الجامعه و اعدت احضر و اعصابي باظت و عرفت انو المقدمين اكتر من الف و هما عايزين 3 بس المهم رحت و كانت ليله يا عمده قصدي لجنه ايه و لا كأني حشتغل وزير وقلت عملت الي عليا و الباقي على الله مفيش احسن من التوكل على الله سبحانه و تعالى ووصيت امه لا اله الا الله يدعولي و جت النتيجه ........اتقبلت هييييييييييييييي مكنتش مصدقه الحمد لله اصل انا قلت اخر محاوله و مش حفكر ادور على شغل جت خلاص هي دي ماجتش مش حدور بس هو دا الي شغلني حاجه كويسه الحمد لله و مش حسبكو تاني و لا حطول عليكو حاسه اني بحكي حكايت قبل النوم و السلام ختام يا ساده يا كرام و عقبال الحبايب يا رب

السبت، أكتوبر 14، 2006

الى روح الشهيد ناجي العلي




اللهم ارحم موتانا
و اخلدهم جنات الفردوس الاعلي
الى روح الشهيد ناجي العلي رحمه الله
(حنظله)

الاثنين، أكتوبر 09، 2006

و يعود الامل

في الدنيا الحزينه
وقفت امينه
تصرخ بصوت يهز الجسد
انا بنت مين فيكي يا بلد
بنت لقيطه
و لا يتيمه
و لا رميه ناس بلا ادب
كفايه يا بنتي مزعتي الكبد
اعدت تنادي
و تقول يوماتي
بصوت حزين
مليان انين
ليه في الشوارع سايبيني انا
انادي
اهاتي
ادور في الشقوق
ادور في الوجوه
على حد مني
يكون ابويا
يكون اخويا
ادور عليه
يتعرف عليا
من نظرة عنيا
اجري عليه و امسك ايديه
يخدني بعيد
من الدنيا ديه
يشلني لفوق
و يعود الشوق
و تعود الطفوله
و يمحي الالم
و يبقى الامل

الاثنين، أكتوبر 02، 2006

حرام يا بلد

امبارح رحنا على فرغلي مش موضوعنا الموضوع انه
مافيشش حد ما عداش علينا
زبالين من بتوع كل سنه و انتم طيبين
و الست الي شايله عيل نايم مش عارفين جيباه منين و ربنا يخليهملك و....الخ
و الولدالغليان الي بيجي يمسح العربيه
و الي بيبيع كلينكس
و
و
كلها انواع من الشحاته
دول خلاص عارفينهم هما خدو على كده
ادتهم حيدعولك
ما ادتهمش حيدعو عليك
بس الكارثه مش في دول في هيئات بدأت تهتم بيهم
لكن لما شب زي الفل لابس بدله شكله محترم مش بتاع
بهدله ييجي و بصوت مخنوق بيقولك لو سمحت ممكن تتعرف على منتجات
شركه كذا و يكون المنتج!!!!!!!معطر للعربيه
او مقصات
و الله العظيم انا كنت حعيط كان نفسي اقوله ايه الي انت عامله في نفسك
بس قلنا شكر ا و خلاص
يا نهار مش فايت طب واحد محترم زي ده تقوله ايه ؟؟؟؟
ربنا يسهلك..؟؟؟ماينفعش اصله مش شحات
هو نفسو يقولك و الله العظيم انا مش بشحت لكن الزمن الي عمل فيه كده
و عايز يبرر الحاله الي هو فيها
هو صعبان عليه نفسه قوي بس يعمل ايه
هي دي الشغلانه الي لقاها علشان ما يمدش ايديه
او يقعد بالبيب مين حيصرف عليه ماخلاص ابوه عمل الي عليه
تخيلو معايا كده
واحد اتعلم و ذاكرو كان دمه بيتحركل سنه مرتين قبل النتيجه
و بعدين دخل الجامعة و ابوه فضل مستني الولد اللي حيشيل المسئوليه عن ظهره
اصله اتقطم و اتخرج الولد و هنا المصيبه
اصلو غلبان ما عندوش واسطه
عندك ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شهاده طب ماهي بلد شهادات الي معاه اصبح اكتر من الي معوش
اهي شغلانه و لا مد الايد!!!!
فين الثلاتميت الف وظيفه الي الحكومه مشكوره بتوفرها للشباب كل
سنه؟؟؟؟ تصدقو بيروحو فين
الوظائف دي مشغوله مسبقا من سنين و الاعلان عنها يكون شكلي
لتعيين القائمين فيها فعلا
شكرا

الأحد، سبتمبر 24، 2006

من خواطري

قرب النافذه
فجأه
ذلك الصباح افاقت على صوت خفيف ينفر على نافذتها
جلست على حافة السرير تستمع بتمعن الى ذلك الصوت
ايقنت انه صوت المطر المنهر على زجاج نافذتها
ازرفت الدموع و تذكرت
انه كان يحب المطر
كان يحب السير بلا مظله تحت زخات المطر
كان يقول لها ان السماء عندما تمطر تغسل هموم البشر
اخرجي و ابكي و اصرخي او امرحي
انه يومك فلا تأبهي
و عندما تشرق الشمس بعد الغيث
تشرق بقوس الالوان الزهي
لتنير الكون بالوان السعاده
لكنه
قد رحل
اخذ الزكريات ... ورحل
مع من سوف تسيراليوم تحت المطر
لكن
......
قطع صمتها نداء طفل صغير
لا لم يرحل
هرولت مسرعت لطفلها و ضمته
انت منه
فاكبر يا صغيري
حتى اسير معك تحت المطر
و احكي لك قصه ابيك و المطر

الجمعة، سبتمبر 22، 2006

فكره

كل رمضان و انتو بخير
شفت مره فيلم اجنبي عن ولد بيدعو الي السعاده عجبتني الفكره بتاعتو كتير لذلك قررت انفذها
و عربتها شويه و ياريت كلنا نعمل كده علشان رمضان الحسنه فيه بعشر امثالها و الله يضاعف لمن يشاء ا
الفكره هي : نساعد شخص او اكثر اذا قدرنا مش بالفلوس خالص يعني نخليهم مبوسوطين
مش لازم حد فقير قصدي نكون مصدر السعاده لحد و مانفكرش بنفسنا خالص في اليوم ده
ونحسسهم انو في تغيير في حياتهم يعني مثلا نساعد حد في تغيير شغله لشغلانه احسن
او نغير من شكل وننظف غرفة اخونا الي حاجتو مرميه في كل حته و ماما غلبت تقله نظف غرفتك
او نحدد يوم نروح فيه لتيته نقعد عندها و نفسحها و ناخدها الكوافير نحسسها انها لسه عايشه
او ناخذ طفل من الاطفال الايتام قريب كان او غريب نغير حياته شويه
اوتاخد ياسي حنفي مكان ليلى في اليوم ده تحضر الفطار و تاخد بالك من العيال و هي تعيش حياتها
شويه تاخد اجازه من الشغل تروح الكوافير بعدين تعمل شوبنج بالفيزا بتاعت حضرتك و بعدين
ترجع تلاقي كل حاجة تمام البيت زي الفل و العيال هاديه والبيت مليان ورد احمر و الشموع في كل حته
طبعا ده عمره ما حيتحقق ماعلينا
يعني نخلي حد حاسس انو في حد بيهتم فيه و هو اميراو اميرة اليوم ده و محط الاهتمام الخالص
يمكن تاني يوم حد يحطك في الخريطه بتاعتو و تكون امير اليوم ده وتحس نتغيير
علشان لو حققنا السعاده لحد احنا حنكون اسعد منه و حاسين برضا عن النفس

الأحد، سبتمبر 17، 2006

تعليق

مش عارفة ابتدي ازاى بس انا عندي تعليق على حاجه كده قريتها انا مش بحب انقد حد كل واحد حر بس لما الي اكون قريت كلام له وجه اخر لازم اتكلم
في مدونة الوعي المصري مع كامل الاحترام لوائل عباس صاحب المدونه بس نفسي اسأله لو هو ماشي في الشارع و جه واحد شد من ايده مثلا المحفظه او اي حاجه مهمه حيعمل ايه؟؟؟
انا بقى حقول حيجري وراه و يقول احرامي و اذا مسكه مش حياخد المخفظه و يقول للحرامي عيب كده ما تعمش كده تاني لأ حيهري الحرامي من الضرب زي اي انسان طبيعي هو و الي بيجرو وراه و يمكن ياخده على قسم الشرطه ياخد الي في النصيب الزبده من دا كله انو في مدونه الوعي المصري في كذا فيديو عن كلاب الشرطه زي ما هو سماهم عباره عن ضباط شرطه بيضربو المجرمين من حراميه او غيره و في بنت بتتضرب ! لاي سبب تفتكرو هم بيضربوهم ؟؟؟ تسالي مثلا ؟ لأ طبعا المجرمين لو ما اضربوش و الله ما حيعترفو و بعدين دول واخدين على كده ايوه هو مش صح نصور ده و نفتخر بيه و نخلي الناس تتفرج عليه اصلها مش فتونه بس هي دي الطريقه الوحيده علشان يعتوفوا و الله الكلام ده عن تجربه شخصيه حصلت لزوجي في شغله اتسرق من المكتب لاب توب بـ 12000 الف و هو في اليوم ده شاف ناس شكلها غريب داخله المكتب و بعدين اختفى الاب توب يا اما كان حيدفع ال 12000 جنيه هو و الي كانو في المكتب ظلم طبعا او يبلغ و كانت النتيجه انو لما بلغ جابو الحراميه وسط ناس و تعرف عليهم بس ما اعترفوش بس بعد كام تيخ على تاخ تاني يوم رجع الاب توب اي حد مش حيبقى مبسوط من الضرب الي هو السبب فيه بس المجرمين دول ناس مش عايزه الضرب بس !!! ده لو احنا زي السعوديه و بنطبق الشريعة الاسلاميه صح كان حصل ايه ؟ لما الحرامي تتقطع ايده لما يسرق ! و لما يسرق تاني تتقطع ايده التانيه !و البنت المتربيه لما يعمل عمل مخل بالاداب تتضرب برضو!؟! ده احنا ناس عندنا قلب مفروض تتجلد في ميدان عام عبره لغيرها الضرب بيتنسي و الحرامي ياخد كام شهر و يخرج و يرجع يسرق تاني اما لما تتقطع ايده كل ما يفكر يسرق حيشوف ايده اللي راحت مش حيفكر يعمل كده تاتي الشرطه بترجع للناس حقوقها بغض النظر عن الفئات الفاسده الموجوده في كل وظيفه او مجال و ما ينفعش ندي الصوره دي عن بلدنا علشان لو قريتو التعليقات دمكو حيتحرق اكتر علشان احنا بندي ناس مش مننا فرصه يشتمو فينا و في بلدنا وعمار يا مصر

الأربعاء، سبتمبر 06، 2006

مدون لمباوي

تخيلو معايا كده الاستاذ الظاهرة اللمبي انضم الى جماعة التدوين و بقه خير الله ما اجعلة خير كده مدون مشهور و خرج مظاهرة و كان معاه اللكاء ده مع مذيعة من مذيعات الكنوات المحليه
المذيعة : ممكن تعرفنا بنفسك
اللمبي : انا اللمبي صاحب ان شاء الله مدونه اللي بالي بالك
المذيعة : اصدك ايه في باللي بالي بالك؟
اللمبي : انو الحمد لله كل حاجة تمام البلد بخير و الوضع زي الفل اي و الله زي الفل
المذيعة: فكرت تبقى مدون ليه ؟
اللمبي : هه مش فاهم حضرتك؟
المذيعة : يعني ليه بقيت مدون ؟
اللمبي : واحد خد نحو الانميه و عندو كمبوتر وافكاري كتير حعمل ايه عبيع بطاطا نعني
المذيعة: عندك افكار! يعني بتناكش مواضيع بتهم المجتع ؟
اللمبي: ابسولوتلي
المذيعة : زي ايه ؟
اللمبي: زي التشرد الاطفالي في ميدان عادين و الديزه و العيال اللي مش لاقيه تاكل و بتشم كله
المذيعة : و كان في نتيجة للي انت بتعمله ؟
للمبي :اكيد الحكومه لمت العيال ووفرتلهم المكان المناسب دار احداث على اعلى مستوى و الاكل الصحي يوم فول ويوم عدس و الكله من افخر الانواع
المذيعة :انت عايش مع اهلك ؟
اللمبي :لأ ابويا مات في السفينه اللي غرقت السلام دي و هو راجع من الحج و امي الله يرحمها ماتت في حادثه القطر بتاع قليوب
المذيعة : مش عارفة اقولك ايه بس التعويضات اللي انت خدتها يكمن تعوضك
اللمبي : مفيش حاجه تعوضني بس انا شغلت الفلوس مع راجل خير دقنه قددددددددددددددد كده بيوظف الفلوس انا مش عارف سالت عليه من كام يوم قالولي سافر بره و كان في شرطه و حرسه و قالولي امشي علشان الشمع الاحمر كان لازم يدولي من الشمع الاحمر ده مش انا مشغل فلوس برضه
المذيعة:اه ... طيب انت يومك عمل ازاي ؟
اللمبي : الصبح بصبح على جدو و بكتب مدونه باكتب بالرصاص و بعدين عند العصر كده بطير طياره ورق و بعد كده بخرج مع صاحبتي هي بنت مصريه اسمها الاميره نوسا ساكنه اخر الحاره بنروح كل يوم السينما يوم فيلم حكاوي اخر الليل و النهارده رايحين فيلم جامد اسمه لست ادري بطولة عبده باشا و ناس كتير جامده اوي
المذيعة : وفي نهاية اللكاء بتحب بسمه ابه ؟
اللمبي : اعنيه المطرب شعبان عبد الرحيم " نفسي اكون مدون و عندي بلوج كمان ...هييييييه هيييييييييييه
المذيعة : ميرسي على اللكاء الجميل ده
اللمبي : مع السلام عليكو

http://nazweb.jeeran.com/flag.gif
  • tdv,.