حرام يا بلد
امبارح رحنا على فرغلي مش موضوعنا الموضوع انه
مافيشش حد ما عداش علينا
زبالين من بتوع كل سنه و انتم طيبين
و الست الي شايله عيل نايم مش عارفين جيباه منين و ربنا يخليهملك و....الخ
و الولدالغليان الي بيجي يمسح العربيه
و الي بيبيع كلينكس
و
و
كلها انواع من الشحاته
دول خلاص عارفينهم هما خدو على كده
ادتهم حيدعولك
ما ادتهمش حيدعو عليك
بس الكارثه مش في دول في هيئات بدأت تهتم بيهم
لكن لما شب زي الفل لابس بدله شكله محترم مش بتاع
بهدله ييجي و بصوت مخنوق بيقولك لو سمحت ممكن تتعرف على منتجات
شركه كذا و يكون المنتج!!!!!!!معطر للعربيه
او مقصات
و الله العظيم انا كنت حعيط كان نفسي اقوله ايه الي انت عامله في نفسك
بس قلنا شكر ا و خلاص
يا نهار مش فايت طب واحد محترم زي ده تقوله ايه ؟؟؟؟
ربنا يسهلك..؟؟؟ماينفعش اصله مش شحات
هو نفسو يقولك و الله العظيم انا مش بشحت لكن الزمن الي عمل فيه كده
و عايز يبرر الحاله الي هو فيها
هو صعبان عليه نفسه قوي بس يعمل ايه
هي دي الشغلانه الي لقاها علشان ما يمدش ايديه
او يقعد بالبيب مين حيصرف عليه ماخلاص ابوه عمل الي عليه
تخيلو معايا كده
واحد اتعلم و ذاكرو كان دمه بيتحركل سنه مرتين قبل النتيجه
و بعدين دخل الجامعة و ابوه فضل مستني الولد اللي حيشيل المسئوليه عن ظهره
اصله اتقطم و اتخرج الولد و هنا المصيبه
اصلو غلبان ما عندوش واسطه
عندك ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شهاده طب ماهي بلد شهادات الي معاه اصبح اكتر من الي معوش
اهي شغلانه و لا مد الايد!!!!
فين الثلاتميت الف وظيفه الي الحكومه مشكوره بتوفرها للشباب كل
سنه؟؟؟؟ تصدقو بيروحو فين
الوظائف دي مشغوله مسبقا من سنين و الاعلان عنها يكون شكلي
لتعيين القائمين فيها فعلا
شكرا
posted by ام العيال @ ٨:٤٢ م
20 Comments:
أصعب شيئ بالنسبالة عدم القدرة على مساعدة كل من نراهم ونشعر باحتياجهم
الأصعب إضطرارنا لصرفهم بكلمة مهذبة تعني (لأ شكرا) و بيبقى صراع داخلي جوانا لإحساسنا بالعجز و تصل بداخلي أحيانا لإستكثار النعمة علي و إحساسي أنني لا أستحقها
شكرا على ذوقك وزيارتك لمدونتي
كل رمضان وأنت بخير
عارفه ليه
علشان عايز يكلها بالحلا لو عايز الحرام يااااااااااااه في مليون طريقه
انمات هو ده حال بلدنا
Your right ya Om EL 3eyal, it is a very bad thing!
The problem is in our county it is normal now that people BEYESH7ATO and they seem to be increasing in numbers.
As for our Gov., they say 6 million jobs in 6 years.... YEAH RIGHT!
ايه الحكاية هي البلد بقي فيها ايه؟
مساكين والله الشباب دول انا مابيصعبش عليا الشحاتين قد مابيصعب عليا مندوبين المبيعات وبضايق اوي لما حد بيزعقلهم ربنا معاهم
الجميله
أم الروح المتألقه
تحيه من ألبى
واللهى بلدنا دى عمرها ما كانت فئيره
رغم النهب المتواصل من آلاف السنين
الغريبه اننا بنئبل
ندفع وبمنتهى الكرم
أتمان فواتير ذلنا واهرنا
وبنهرب
من دفع فاتورة
حريتنا
وخلاصنا
تعرضى كومت واحد وبسمنك لله
وسايبانى
مفتكر انى مش عارف أسجل كومنت
إعزازى
والله العظيم الرجاله دى رجاله بجد كتير بحط نفسى مكانهم حيعمل ايه يعنى على رايك مفيش غير حل من اتنين يا يسرق يا يشحت والاتنين صعب والى هو فيه اصعب واحنا كمواطنين حنعمل ايه بس الموضوع عاوز الدوله علشان تتحرك بقلنا 25 سنه فى عنق الزجاجه باين علينا دخلنا الزجاجه بلعكس بدل ما نخرج اتحبسنا فيها حسبي اله ونعم الوكيل فى السبب فى الى بيحصل لناس دة.
مصر رجعت للطبقيه ياولاد
ناس فوق فووووووق
وناس تحت تحت بغباء
طبعا الامثله اللى قولتى عليها موجوده فى كل حته
بوست يمس القلب وواقع عايشين فيه
بس المهم فرغلى اخباره ايه؟ وياترى اكلتى كوكتيل ولا شربتى مانجو
تحياتى
العزيزة ام العيال
للاسف هى دى حال بهية وولادها اللى هانو عليها لدرجة انهم بقو خريجين جامعة وبيشتغلو اى حاجة مش محتاجة حتى تعليم علشان لقمة العيش
مقدرش طبعا الومهم لان طموحهم اتكسر على صخرة الواقع وهروبهم خارج البلد مش حل ووجودهم بالصورة دى اهدار لادميتهم ولمجهودهم وحسرة قلب اهاليهم عليهم
الشغل مش عيب ومش حرام وكل شغلانة شريفة فخر لصاحبها بس فى نفس الوقت فى درجات رفع ربنا الناس بيها بعضهم فوق بعض ومدام اجتهد وتعب واتعلم يستحق ياخد موقع فى الحياه مناسب لمجهوده
بس نعمل ايه فيكى يا بهية يا تاعبةقلب ولادك
تحياتى يا جميلة على البوست العبرة ده
المشكلة كمان ان فى فئات زى ابو بدلة ده والله العظيم بيوقفونى فى الشارع ويقولولى لو سمحت ربع جنيه اركب بيه ساعتها بتحسر على حال البلد
ربنا يتوب علينا منها
وكل سنة وانتى طيبة
المرة الجاية ان شاء الله هاتيلى شوب عصير من فرغلى
:D
اعتبريها شحاتة او عزومة
:P
السلام عليكم ورحمة الله
أختي الكريمة/ أم العيال
أرجوا أن تشرفينا بزيارة مجموعتنا التدوينية " شباب عايزة تتجوز "
و تشاركينا في حل هذه المشكلة الإجتماعية المستعصية
و أدعوك إلى الإنضمام مجموعة عملنا التدوينة لدعمنا في قضيتنا العادلة و دفع كفاحنا نحو حياة كريمة عفيفة سعيدة
و تفضلي بقبول فائق الإحترام و التقدير
http://elzawaj.jeeran.com/
كتبه / جندي الفضيلة
مصر - القاهرة
for_elzawaj@yahoo.com
السلام عليكم ام العيال
لهم الله شباب مصر حقيقي والله ينتقم من السبب في اللي هم فيه يارب .. وينتقم من عيالهم اللي اخدت الوظايف كمان
الظاهرة دي مش جديدة انا فعلا قابلتها من فترة على الكوفي شوب غالبا شاب محترم وساعات بنات بتعرض عليكي شراء منتجات زي طقم اقلام جاف او مماكينات حلاقة وعدد يدوية وبيعرف نفسه على انه مندوب شركة كذا
طبعا هذا ذنب البلد والظروف المنيلة اللي خلت واحد متعلم يكون ده شكل المستقبل بس بصراحة دول ناس ارفع لهم القبعة تحية واحتراما وغالبا ماباشتري منهم
فهذا افضل من اتباع اسلوب الشحاتة او اللجوء للسرقة والنصب لتوفير احتاجات الحياة
يا سلاام يا امالعيال
فكرتيني بالذي مضى
..
قصدي طبعا باليالي فرغلي لما كنا نروح نضرب ايس كريم بالمنجا
ليلاتي
وبصراحة
انا قابلت الشباب اللذ زي ده
وكان نفس احساسك
طيب ده نرده ازاي..
نقول له
ايه
يحنن؟
وكمان اللي يجنن
الاطفال الصغيرين اللي صاحيين الساعة تلاتة الفجر ؟
فعلا منتهى القسوة\
منه لله اللي كان السبب
تحياتي
وكل عام وانت بخير
ظروف غلط...
أوضاع غلط...
مُجتمع غلط...
غلط
و
غلط
و
غلط...
طب ياكل نفسه يعنى ؟؟
لا بينزل ويشتغل بدل مايشحت...
تحياتى..
اصدقائي و كل من كتب تعليق على البوست
الحمد لله على الي احنا فيه
ادعو معايا في هذا الشهر الفضيل يفكها عليهم و تعود اليهم كرامتهم مره اخري
الكل معزوم على فرغلي على حسابي بس انتو قولي عايزين ايه:-)
عندك حق فى كل كلمه قولتيها والله عندك حق انا اتخنقت اوى اساسا بس حنعمل ايه ربنا يكرمهم و انشا الله كل حاجه حتكون تمام
بالنسبه للحج فرغلى انا بشرب كيوى او دوووم
و اشوفك صدفه
يا سيتي 00يا ام العيال انتي مستعجله ليه00علي سنة 2999 هيكون اغلب الناس اتعينت انشالله 00و اللي هيموت قبل التاريخ ده يبقي نصيبه كده00بلاش تضخمي المواضيع 00كلها حاجات سطحيه00
منه لله اللي كان السبب
lol
موضوع جميل
واريد ان اضيف 3 حوادث, قصدي قصص
الاولى صاحبي شاف شحانة فاعطاها ربع دينار, رجعة الربع وقالتلو اقل شيي دينار(شحات بيتشرط
والدينار الاردني = 8 جنيه
الثانية مرة واحدة شحاتة بها فلوس مشان الله وكتيير غلبانه
اعطاها صاحبي مبلغ بس ما بعرف كم لانو شكله مضحوك عليه, المهم بالليل شافها بكافي شوب
الثالثة كنت مروح فلئيت وحده طالعة من محل جاتوه معها ابنها وكيكه واكياس كتير وعلى السريع مدة ايدها واعدة تشحة
طبعا الايام هاي الشحاتين بيطلعوا اكتر مما بطلع بكتيييير
ROZZA!
http://misse.wordpress.com/2007/02/07/%d9%88-%d9%87%d9%89-%d9%85%d8%a7%d8%b4%d9%8a%d8%a9-%d9%81%d9%89-%d8%a7%d9%84%d8%b4%d8%a7%d8%b1%d8%b9/
إرسال تعليق
<< Home