الأربعاء، سبتمبر 06، 2006

مدون لمباوي

تخيلو معايا كده الاستاذ الظاهرة اللمبي انضم الى جماعة التدوين و بقه خير الله ما اجعلة خير كده مدون مشهور و خرج مظاهرة و كان معاه اللكاء ده مع مذيعة من مذيعات الكنوات المحليه
المذيعة : ممكن تعرفنا بنفسك
اللمبي : انا اللمبي صاحب ان شاء الله مدونه اللي بالي بالك
المذيعة : اصدك ايه في باللي بالي بالك؟
اللمبي : انو الحمد لله كل حاجة تمام البلد بخير و الوضع زي الفل اي و الله زي الفل
المذيعة: فكرت تبقى مدون ليه ؟
اللمبي : هه مش فاهم حضرتك؟
المذيعة : يعني ليه بقيت مدون ؟
اللمبي : واحد خد نحو الانميه و عندو كمبوتر وافكاري كتير حعمل ايه عبيع بطاطا نعني
المذيعة: عندك افكار! يعني بتناكش مواضيع بتهم المجتع ؟
اللمبي: ابسولوتلي
المذيعة : زي ايه ؟
اللمبي: زي التشرد الاطفالي في ميدان عادين و الديزه و العيال اللي مش لاقيه تاكل و بتشم كله
المذيعة : و كان في نتيجة للي انت بتعمله ؟
للمبي :اكيد الحكومه لمت العيال ووفرتلهم المكان المناسب دار احداث على اعلى مستوى و الاكل الصحي يوم فول ويوم عدس و الكله من افخر الانواع
المذيعة :انت عايش مع اهلك ؟
اللمبي :لأ ابويا مات في السفينه اللي غرقت السلام دي و هو راجع من الحج و امي الله يرحمها ماتت في حادثه القطر بتاع قليوب
المذيعة : مش عارفة اقولك ايه بس التعويضات اللي انت خدتها يكمن تعوضك
اللمبي : مفيش حاجه تعوضني بس انا شغلت الفلوس مع راجل خير دقنه قددددددددددددددد كده بيوظف الفلوس انا مش عارف سالت عليه من كام يوم قالولي سافر بره و كان في شرطه و حرسه و قالولي امشي علشان الشمع الاحمر كان لازم يدولي من الشمع الاحمر ده مش انا مشغل فلوس برضه
المذيعة:اه ... طيب انت يومك عمل ازاي ؟
اللمبي : الصبح بصبح على جدو و بكتب مدونه باكتب بالرصاص و بعدين عند العصر كده بطير طياره ورق و بعد كده بخرج مع صاحبتي هي بنت مصريه اسمها الاميره نوسا ساكنه اخر الحاره بنروح كل يوم السينما يوم فيلم حكاوي اخر الليل و النهارده رايحين فيلم جامد اسمه لست ادري بطولة عبده باشا و ناس كتير جامده اوي
المذيعة : وفي نهاية اللكاء بتحب بسمه ابه ؟
اللمبي : اعنيه المطرب شعبان عبد الرحيم " نفسي اكون مدون و عندي بلوج كمان ...هييييييه هيييييييييييه
المذيعة : ميرسي على اللكاء الجميل ده
اللمبي : مع السلام عليكو



الاقصى

8 Comments:

At 04:19, Blogger Bent Masreya said...

ههههههههههههههههه
بصراحة بوست نكتة
هو كده هيخرج مع اوسا ويسيب نوسة :))

 
At 11:31, Blogger Abdou Basha said...

بوست جامد جدا
ههههههه
تذاكر السينما عليا يا شباب
**
على فكرة قليل لما بعدي على مدونة واضحك .
تقريبا كل أفلامي تراجيدي اليومين دول
:=)
**
بحييكي ع البوست ده

 
At 14:55, Blogger Aoossa said...

مع السلامو عليكو وأنتوا طيبين
هى خالتى أطاطا جات عندكوا
طيب فين يابنتى الخماشر جنيه اللى عليكى
ههههههههههههههههه
انت عثل نحل
أأأأأموه عليكى كده

 
At 16:07, Blogger المزاجنجي said...

اشطة يا ام العيال منورة وشكل دماغك عالية بس انت نسيتي انه بيقعد ليلاتي عند المزاجنجي وبيقوم وهو جارر كلابيظو ومزاجه منعنش واخر تمر حنة وعايش في دور ادم المصري ما اهو اصله مفيد وهو من هنا مش الغريب اللي اتنسا ولا عامل فيها ابوريشة لانه بعدك على بالي وبيضرب زبادي فالخلاط الخلاصة واد من هنا شاب اسكندراني ومستني زيارتك عندي وبرضة هاتي العيال

 
At 14:18, Blogger أبو أمل said...

تدوينة حلوة
تحياتى

 
At 21:56, Blogger Ahmed Shokeir said...

تحفة بصراحة

عجبني اوي لقطة العبارة والقطار
لايقة عليه

 
At 22:13, Blogger يا مصر اكتب إليكي رسائلي said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حاجة تقرف والله
يعني لامذيعه ولا ضيف

 
At 16:09, Blogger Dr. Zeus said...

لذيذ
وفكرته جميلة

 

إرسال تعليق

Links to this post:

إنشاء رابط

<< Home

http://nazweb.jeeran.com/flag.gif
  • tdv,.