الاثنين، أكتوبر 09، 2006

و يعود الامل

في الدنيا الحزينه
وقفت امينه
تصرخ بصوت يهز الجسد
انا بنت مين فيكي يا بلد
بنت لقيطه
و لا يتيمه
و لا رميه ناس بلا ادب
كفايه يا بنتي مزعتي الكبد
اعدت تنادي
و تقول يوماتي
بصوت حزين
مليان انين
ليه في الشوارع سايبيني انا
انادي
اهاتي
ادور في الشقوق
ادور في الوجوه
على حد مني
يكون ابويا
يكون اخويا
ادور عليه
يتعرف عليا
من نظرة عنيا
اجري عليه و امسك ايديه
يخدني بعيد
من الدنيا ديه
يشلني لفوق
و يعود الشوق
و تعود الطفوله
و يمحي الالم
و يبقى الامل



الاقصى

14 Comments:

At 21:40, Blogger المزاجنجي said...

اهم شيء الامل (لولا الامل لانفطر الفؤاد )كلام مريح قوي

 
At 01:03, Blogger anameen said...

بوست جميل واجمل ما فية انه مكتوب باحساس صادق ورغم بساطة كلماته لكن مغزاها راقي جدا

 
At 08:31, Blogger يا مصر اكتب إليكي رسائلي said...

جميل كلامك يا أم العيال
وكلام فعلا خارج من قلب رقيق قلب والصراع اللي بين السطور والوحدة القاتلة التي تبحث عن ملاذ .... لكن القوة والوعي بلا ثمالة ،أن تصرخ.. هو اكتر ما اعجبني ..فرغم انها كائن ضعيف .. إلا أن قوة إنسان تكمن بداخلها ..

 
At 10:22, Blogger Abdou Basha said...

كلام جميل بجد
الجميل انه مش مأساوي
وفيه أمل

 
At 18:53, Blogger ROMIL said...

مؤثر كلامك
وأنتهز هذه الفرصه علشان اسلم على العيال

 
At 01:29, Blogger حــلم said...

كلامك صعب اوى يا صديقتى العزيزة
احترت دة ممكن يكون على لسان مين

افتكرت بنت صغيرة تايهة فى الزمن مش فى المكان
من اللى بنقول عليهم اولاد الشوارع
اللفظ نفسه نيلة خالص
ممكن تكون جميلة ونقية لكن مش هتفضل كدة برائتها هتتقتل اكيد
اذا كان فيه زيها جوة البيوت واهلهم غافلين عنهم
مابالك اللى حياتها على رصيف

مش عارفة فكرت صح؟؟

بس اكيد دة مش مجرد نداء لانثى عادية
دى صرخة حد
مالوش اى حد

 
At 00:59, Blogger ام العيال said...

عم الناس مزاجنجي بيه
ايوه دايما في امل
هي دي القشايه الي بنتلعق بيها
و الا حنموت

ANAMEEN
شكرا للزياره
ما تقطعناش

يا مصر اكتب اليك رسائلي
شكرا لكلامك الرقيق
و احنا نيجي ايه جنب كلامك:-)
الانسان مهما كان ضغيف ساعة القهر تخرج من داخله قوه تغلب جبل

عبدو باشا
الامل موجود دائما

ROMIL
العيال بتسلم عليك
ومستنيين زيارتك على طول

الحلم الجميل
هي للاسف بنت شوارع
مالهاش حد
بس لقت حد
لقت اهلها
اصلها مش ضلمه على طول
و الا تبقى موت و خراب ديار

 
At 02:43, Anonymous غير معرف said...

اعتقد انه تمنى اكتر منه امل
بوست رقيق

 
At 19:05, Blogger القادم من الريف said...

قصيده جميله تعا لج مشكله حقيقيه
تحيا تى ليكىوللعيا ل

 
At 02:21, Blogger tota said...

الجميلة ام العيال
ده عن لسان مئات الاطفال فى كل اشارة فيكى يا بهية
وبهية ساكتة عن كل ده والهم صار ما يتلم وكل يوم عن يوم يزيدو لما صار لليتم عيد

لمسة رقيقة منك للوضع المتفشى المؤلم
تحياتى

 
At 22:34, Blogger مصطفيتش ابن حفصوتشا said...

ysانا....
يعنى
اقصد

...

حاجة غريبه


عالم مجنون مجنون يا بهيجة

 
At 01:10, Anonymous غير معرف said...

لا ادري ان كنت اليوم حساسة زيادة عن اللزوم ولكن كلماتك البسيطة المعبرة دخلت الى قلبي
لتدمع عيني

وان شاء الله في امل
كلامك جميل زيك وكله احاسيس صادقة

 
At 01:41, Anonymous غير معرف said...

hello
i'm so happy to talk on this blog, but really i hope to be one of friends of this sweet group.
i'm new in blog, i hope if some one can talk to me and explain how i be one of this group.
i'm ibrahim from LUXOR, i'm 27 years, engineer power electric.

i will wait some one to help me
hima333@hotmail.com
bye

 
At 15:14, Anonymous غير معرف said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

 

إرسال تعليق

Links to this post:

إنشاء رابط

<< Home

http://nazweb.jeeran.com/flag.gif
  • tdv,.