الجمعة، سبتمبر 22، 2006

فكره

كل رمضان و انتو بخير
شفت مره فيلم اجنبي عن ولد بيدعو الي السعاده عجبتني الفكره بتاعتو كتير لذلك قررت انفذها
و عربتها شويه و ياريت كلنا نعمل كده علشان رمضان الحسنه فيه بعشر امثالها و الله يضاعف لمن يشاء ا
الفكره هي : نساعد شخص او اكثر اذا قدرنا مش بالفلوس خالص يعني نخليهم مبوسوطين
مش لازم حد فقير قصدي نكون مصدر السعاده لحد و مانفكرش بنفسنا خالص في اليوم ده
ونحسسهم انو في تغيير في حياتهم يعني مثلا نساعد حد في تغيير شغله لشغلانه احسن
او نغير من شكل وننظف غرفة اخونا الي حاجتو مرميه في كل حته و ماما غلبت تقله نظف غرفتك
او نحدد يوم نروح فيه لتيته نقعد عندها و نفسحها و ناخدها الكوافير نحسسها انها لسه عايشه
او ناخذ طفل من الاطفال الايتام قريب كان او غريب نغير حياته شويه
اوتاخد ياسي حنفي مكان ليلى في اليوم ده تحضر الفطار و تاخد بالك من العيال و هي تعيش حياتها
شويه تاخد اجازه من الشغل تروح الكوافير بعدين تعمل شوبنج بالفيزا بتاعت حضرتك و بعدين
ترجع تلاقي كل حاجة تمام البيت زي الفل و العيال هاديه والبيت مليان ورد احمر و الشموع في كل حته
طبعا ده عمره ما حيتحقق ماعلينا
يعني نخلي حد حاسس انو في حد بيهتم فيه و هو اميراو اميرة اليوم ده و محط الاهتمام الخالص
يمكن تاني يوم حد يحطك في الخريطه بتاعتو و تكون امير اليوم ده وتحس نتغيير
علشان لو حققنا السعاده لحد احنا حنكون اسعد منه و حاسين برضا عن النفس



الاقصى

11 Comments:

At 00:23, Blogger المزاجنجي said...

لسه الصبام ما بدأش يا ام العيال ايه جرالك ؟

من اولها كده ماشي اروح انا اجيب تيتة منين وهي ميته يجي من 20 سنة ما تقولي كلام حلو شوية ههههههههههههههههه رمضان كريم

 
At 02:43, Blogger شهرزاد Shahrazad said...

كل سنة و انتي طيبة و رمضان كريم

 
At 07:34, Blogger LAMIA MAHMOUD said...

كل سنة وانتي طيبة

 
At 09:31, Anonymous غير معرف said...

كل عام و إنت بخير يا أم العيل
مدونة جميلة و فكرة أجمل
ينعاد عليك الشهر
رمضان كريم

 
At 09:32, Anonymous غير معرف said...

انا عندي حنين ما بعرف لمين

??????????????
!

 
At 15:32, Blogger ام العيال said...

gayofsun
دي اغنيه لفيزور

 
At 08:51, Blogger labido said...

عن النبي صلى الله عليه وسلم قال : (أنا وكافل اليتيم في الجنة هكذا وقال بإصبعيه السبابة والوسطى).
وانا مستعد لكفالة يتيم
ولكي الاجر والثواب
كل سنة وانتي طيبة
عبدو

 
At 13:56, Blogger رانية said...

أم العيال كل عام و انت بصحة و سلامة

جبتى الفوانيس للعيال و الا لسة ؟

 
At 03:23, Blogger Ahmed Shokeir said...

والله الشهر الجميل بيجيب معاه خواطر وافكار جميلة تخلي الحياة تتحول للافضل وتبعد كتير اهتمامنا بالماديات وتقربنا كتير من بامور معنوية اخفتها معركة الاهتمام بالماديات

رمضان كريم على الجميع

 
At 08:44, Blogger Fadfadation said...

Kol Sana Wento Tayebeen :)

 
At 16:05, Blogger Dr. Zeus said...

كل سنة وانتم طيبين0
وعندك حق
يا ريت لو ممكن كلنا نعمل كده
اكيد الدنيا هتتغير

 

إرسال تعليق

Links to this post:

إنشاء رابط

<< Home

http://nazweb.jeeran.com/flag.gif
  • tdv,.