الجمعة، يناير 19، 2007

ده شعب فقري

القصيده دي وصلتني على الايميل حبيت تشاركوني بيها خدو عندكو


دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

للشاعر : أحمد فؤاد نجم



الاقصى

14 Comments:

At 08:36, Anonymous غير معرف said...

اختلف معه فى الكثير والكثير ، وتزهلنى موهبته الشعريه واحترم حرصه على النضال وشعره اللاذع

 
At 13:01, Anonymous غير معرف said...

القصيدة جميلة جدا
بس ماعتقدش إنها بتاعة نجم مش حاسس بأسلوب نجم فيها

في مفردات كتير فيها بعيدة جدا عن المفردات المألوفة في شعر نجم

بس شكرا على نقل المقالة و يا ريت تتأكدي هي
لنجم و لا لأ

 
At 18:55, Anonymous غير معرف said...

تحفة
هو الراجل دا بيطلع بالكلام دا منين

أجمل جزء عجبنى

ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
متسلطنة بالسرطنة

ناقص ايه تانى
شكرا على المشاركة

 
At 22:18, Anonymous غير معرف said...

يا رب يصدقه و يحل عننا

 
At 12:34, Anonymous sampateek said...

هههههههههه
روعة بجد
الراجل ده ملوش حل
حلوة قوي يا ام العيال
انت ازيك اخبارك اية؟
:)
تحياتي

 
At 20:10, Blogger مـحـمـد مـفـيـد said...

جامده جدا
اختيلر موفق جدا

 
At 03:35, Anonymous غير معرف said...

القصيدة حلوة قوييييييييي

بس مش بتاعة احمد فؤاد نجم

 
At 13:00, Blogger barrak said...

قصيده قويه
كيف لاتكون كذلك والذي كتبها المبدع احمد فؤاد نجم
والذي اختارها ام العيال

 
At 00:15, Anonymous غير معرف said...

ام العيال
طبعا مبدع نجم كعادته بسخريته اللاذعة
لمس كل الجروح وعرى وكشف كل المهانات
شكرا على القصيدة
تحياتى

 
At 22:06, Blogger ام العيال said...

كلبوزه
وحشتيني قوي
انا الحمد لله كده و كده
اكتئبت حبتين بعدين
تمام

محمد مفيد
شكرا
هذا بعض ما عندكم
و لسه دا انا حكسر الدنيا

جبهة التهييس
لأ بتاعت احد فؤاد نجم
تحب تسأله؟؟؟

براك
شلونك
تراك زين؟
منور البلوج
اخجلتني

:)


توتااااااااا
ازيك
شكرا لتنويرك
انت ازيك فينك طولتي الغيبه
تفتكري كشف كام في الميه؟؟؟
يالله

 
At 23:36, Anonymous غير معرف said...

شكرا يا إم العيال ع القصيدة أنا إتأكدت و طلعت بتاعة أبو النجوم

 
At 20:10, Blogger جبهة التهييس الشعبية said...

أنا بنت أحمد فؤاد نجم

مش بتاعة بابا

لازم الإحراج ده؟

 
At 20:12, Blogger جبهة التهييس الشعبية said...

أستاذ أنونيمس


ممكن أعرف إنت اتأكدت منين

إذا كان باقول لك أنا بنته

والقصيدة مش بتاعته

يا خونا أنا عايزة اعرف بقى مين اللي كل شوية يكتب قصيدة باسم ابويا

ما اللي عايز يقول كلمة يا يبقى قدها يا يخلع

 
At 15:13, Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 

إرسال تعليق

Links to this post:

إنشاء رابط

<< Home

http://nazweb.jeeran.com/flag.gif
  • tdv,.