ده شعب فقري
القصيده دي وصلتني على الايميل حبيت تشاركوني بيها خدو عندكو
دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
للشاعر : أحمد فؤاد نجم
posted by ام العيال @ ١١:٥٦ م
13 Comments:
اختلف معه فى الكثير والكثير ، وتزهلنى موهبته الشعريه واحترم حرصه على النضال وشعره اللاذع
القصيدة جميلة جدا
بس ماعتقدش إنها بتاعة نجم مش حاسس بأسلوب نجم فيها
في مفردات كتير فيها بعيدة جدا عن المفردات المألوفة في شعر نجم
بس شكرا على نقل المقالة و يا ريت تتأكدي هي
لنجم و لا لأ
تحفة
هو الراجل دا بيطلع بالكلام دا منين
أجمل جزء عجبنى
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
متسلطنة بالسرطنة
ناقص ايه تانى
شكرا على المشاركة
يا رب يصدقه و يحل عننا
هههههههههه
روعة بجد
الراجل ده ملوش حل
حلوة قوي يا ام العيال
انت ازيك اخبارك اية؟
:)
تحياتي
جامده جدا
اختيلر موفق جدا
القصيدة حلوة قوييييييييي
بس مش بتاعة احمد فؤاد نجم
قصيده قويه
كيف لاتكون كذلك والذي كتبها المبدع احمد فؤاد نجم
والذي اختارها ام العيال
ام العيال
طبعا مبدع نجم كعادته بسخريته اللاذعة
لمس كل الجروح وعرى وكشف كل المهانات
شكرا على القصيدة
تحياتى
كلبوزه
وحشتيني قوي
انا الحمد لله كده و كده
اكتئبت حبتين بعدين
تمام
محمد مفيد
شكرا
هذا بعض ما عندكم
و لسه دا انا حكسر الدنيا
جبهة التهييس
لأ بتاعت احد فؤاد نجم
تحب تسأله؟؟؟
براك
شلونك
تراك زين؟
منور البلوج
اخجلتني
:)
توتااااااااا
ازيك
شكرا لتنويرك
انت ازيك فينك طولتي الغيبه
تفتكري كشف كام في الميه؟؟؟
يالله
شكرا يا إم العيال ع القصيدة أنا إتأكدت و طلعت بتاعة أبو النجوم
أنا بنت أحمد فؤاد نجم
مش بتاعة بابا
لازم الإحراج ده؟
أستاذ أنونيمس
ممكن أعرف إنت اتأكدت منين
إذا كان باقول لك أنا بنته
والقصيدة مش بتاعته
يا خونا أنا عايزة اعرف بقى مين اللي كل شوية يكتب قصيدة باسم ابويا
ما اللي عايز يقول كلمة يا يبقى قدها يا يخلع
إرسال تعليق
<< Home