دوره حياه الفانيله
ايوه فانيله و ليها دوره حياه اه ليه مفيش حد احسن من حد
القصه انه واحنا في سنه رابعه في الجامعه الدكتور صاحب ماده دراسات الجدوي حب يفهمنا موضوع المنهج فجاب مثال و كان
عباره عن التالي : ال ايه جه راجل فرنساوي على مصر علشان يسوق فوط للمطبخ من نوع محترم نجح في تسويقه في كذا بلد عربي و نجح جدا لعمره الطويل و سهوله تنظيفه و نظافته ...الخ ال ايه اجرب في مصر اصل مصر فيها كذا مليون و اكيد لو 10% اشترو المنتج حكسب ايه؟؟
بس ياعيني الراجل اتكبس و فشل المشروع فشل رزيع مريع ...ليه علشان ما عملش دراسه جدوي للمشروع اي ما عرفش الشعب المصري ازاي بيتعامل مع فوطه المطبخ و هو الشئ الي لو درسه ماكانش فكر يقرب من مصر اساسا بصو بقه :
اولا : الشب من دول مامتو تجيبلو فانيله جديده ايه بقه اتكسا يقوم الشب الشمبله من دول يلبسهاو يخرج على البلكونه لاستعراضها ادام بنات الجيران ال ايه خارج يعمل تمارين ،ضاقت بيه الدنيا و مفيش مكان غير البلكونه ما علينا يالله نبتدي واحد اتنين ..واحد اتنين بص يمين اتنين ثلاته اربعه بص شمال اتنين ثلاته اربعه زق السقف اتنين ثلاثه اربعه ... رايح جاي بيستعرض عضلاته
تعدي الايام و تبتدي الخروم تظهر على الفانيلا تصبح هنا غير صالحه للاستعراض تبتدي يلبسها تحت هدومه زي الناس بعدين خرم و ورا خرم تبقى منخل؟؟؟
ثانيا : ماما ست اقتصاديه ما بترميش حاجه اه لازم تستهلك الحاجه حتى اخر فلس ، ما علينا تاخدها للمطبخ و تتلون الفنيله بالوان المطبخ اشي احمر باميه اشي اخضر ملوخيه اشي اصفر عدس و هكذا لحد ما تبقى خلاص مش قادره تتلون و اتعمل بيها العجب .
ثالثا : نرميها لسه فيها النفس نروح بقه ايه هنا نمسح بيها الجزم بعيد عنكم بس الالون محدوه يا اسود يا بني و هكذا
رابع : فاكرين الشب الظريف بتاع البلكونه ييجي يتجوز تقوم العروسه المحروسه بتفضي شنط العريس و اذ بيها تفوجئ بشئ عير محدد الملامح او الهويه او الون صغير كده و غير معلوم النوع قماش ده و لا ايه تمسكه بقرف بين اطراف طوابعينها و تقول للعريس :ايه دي مسعودي؟؟؟ارميها ؟؟و اذا بالعريس يقفز بالهواء لألألألألألألألألألألألألألألألأ و يمسكها و تكاد عيونه تغرغر بالدموع ترمي ايه ...دي الذكريات و تصبح جزئ من الجهاز .
و هنا عرف المستثمر الفرنساوي انه لا مجال لصناعه فوطه المطبخ لانها لن تصمد امام الفوطه السحريه للست فكريه
الروايه على لسان دكتور دراسات الجدوي لفهم المنهج
posted by ام العيال @ ١٢:٠٠ ص
34 Comments:
فعلا هو ده اللي بيحصل غالبا
المستثمر الفرنسي حقه يستثمر في الفانلات
:))
يااااااااااه هي مرات الدكتور كمان بتستعمل فانيلته القديمة في المطبخ
لا حول ولا قوة الا بالله
موضوع ظريف اوي وعجبني اوي وكل سنة وانتوا تيبين
very funny
عندك حق
فعلا دا اللى بيحصل
مفيش فانلة ماتعديئش على مطبخ
:D
يا مصر يا أم العجايب
شعبك أصيل و الخصم عايب
ام العيال
تصدقى اد ايه المثال واقعى جدا
وده تقريب لفكرة معينة من وحى الواقع
بس سرد الاحداث كدورة حياه فيه فكرة جديدة
جميلة فعلا
تحياتى
مسكينه الفانيله دى
ياما بتشووووف
:))
انتم كده
مش بتقدروا الصداقة الروحية و الارتباط بالاشياء
خسارة يا بلد
خسارتك يا فانيلة
:D
هههههههههههههههه
والله مشكله
داحنا شعب اقتصادى صحيح
امال بيشتكوا مننا ليه ويقولوا مسرفين
والله شعب حقيقى عايش باقل الامكانيات
من غير فوطه مطبخ
هههههههههههههههههههه
ام العيال
موضوعك على قد ماهو مضحك بس واقعى ميه الميه
تحياتى ليكى وللعيال
هي بردة حتة المطبخ جت عندكم ههههههه انا فاكرها افتكاسة من افنكاسات امى بس على فكرة امى بتقطعها على اساس تنظيف الادوات الكهربائية لانها بتبقى حنينة ههههههه والهدوم التانية للمطبخ والحلل وكان فية المناطيل الجينز للمسح بتاع الارضية قبل الممسحة الكاوكش هههههههههههه كانت ايام فكرتيني يوجتك ستين اضاشة هههههههههههههه
هههههههههههه
مش ناقص اللى حاجه واحده بس
وهى مكان الفانيله فى المطبخ فوق أنبوبة البوتاجاز
ههههههههههههههه
و الله الدكتور بتاعكوا ده كان دماغ
هو ده يابنتي الإكتفاء الذاتي بتاع المصريين
أمال يعني هنستورد كمان فوط مطبخ
ما كفاية اللي بنستورده من أول مشابك الغسيل لحد عجينة الطعمية
عبدو باشا
منورني
شفت طريقه مسدود يا ولدي
كراكيب
وانتي تيبه
على راي سوسه المفروسه
الاكتفاء الذاتي لجميع طبقات الشعب المصري
walladshab
iam glade rthat u like it
:-)
بنت مصريه
زيزي
يا اهلا بالغاليه
مهو لازم تكون ليها فايده
و لا حيشحت دي كمان ..؟؟
tota
و انا بقول شعاع النور ده جي منين
كل حاجه ليها دوره حياه
مهي لازم يكون ليها بدايه و عقده و نهايه
زي اي قصه
:-)
سلامي لكي
epitaph
شفتي ياعيني كانت العروسه حتفرط باعز ما يملك ؟؟؟
عاتفي حبتين العريس ده مش كده
هههههههههه
حنونه الجميله
شفتي تتلون باشد الوان العذاب
لو بتحكي كانت قالت بلاوي
و تلاقي الست من دول اذا متعصبه شويه تهريها غسيل و عصر لحد ما روحها تطلع بين ايديها
يالله في خدمه رباب البيوت برضه وظيفه شريفه
:-))))))))
shaimaa
لا والله بنقدر علشان كده عملت بوست و حوا كناش خدنا محاضره من دكتور في الجامعه عنها
ارتباط عاتفي مش كته
ههههههههههه
شيكولاته
يا اهلا يااهلا
شيكولاته مرسي ياسكر
ال مسرفين ال
ده احنا احسن شعب في عمليه اعاده التدوير
يعني كل حاجه بنستخدما تاني و تالت و رابع حتى اخر نفس
لحد ما ييجي يوم نقول هي البتاعه دي كانت اييه يا تري؟؟؟؟؟
المزاجنجي صديقي
بعد كل ده كنتو بتلاقو هندوم تلبسوها؟؟؟
مين اضاشه دي؟؟؟
ههههههههههههههههههه
المبرمج الحر
و الي مركب غاز طبيعي يعمل ايه ؟؟
برضو على الانبوبه الاستبن يمكن الغاز يقطع
ههههههههههههههههههههههههههه
sooosa
هيه وصلت للطعميه ؟؟؟؟
ماحدش قالي !!!!
ده لسه في قصه كده عن صينيه البطاطس حبقى احكيهاكو
تفتكري دكتوراه في ايه ؟؟تخصص مطبخ
shokran 3la el life cycle bta3 el fanella ..khaleteny anzor lehom nazra okhra male2a bel....... :D
ههههههههههههههههههه
بجد فعلا واقعية
بس نسيتي مرحلة من دورة حياة الفانيلة
هي إنها بتستخدم لتلميع العفش
بس مش عارف موقع المرحلة فين بالظبط
:D
ههههههههها
يروح يبيع بصل احسن
والله المواطن المصري دا غلبان جدا, وليس من الضروري مطلقا ان يكون متقدما ونضيفا ان يسمع كلام الاخوة الفرنسويين ولا الطلاينة حتى
أهم حاجة
ان الفانلة مبتكدبش
يبقى خلاص مهتها ناجحة, حتى تكدب
وطبعا الكداب بيخش النار
سلام
عمر ما يخطر على بالي فكرة البوست التحفة ده
بجد انت تفوقتي على نفسك
زي السكر
اعتقد أنه في واحد من أحفاد الراجل ده هيحتفظ بالفوطه دي و ينضف بيها جزمته و مع مرور الأجيال و الأزمنه تصبح هذه الفوطه أرثا عائليا يتنازع عليه حوالي خمس او ست عائلات حتي يتم تقسيمها لخمس أو ست قطع و تقوم الحروب و المجاعات بين 6 دول لأن البعض يعتقد أنه نصيبه من الفوطه أصغر من نصيب الدول الأخري و تصبح الفوطه هي أحدي الأثار و يفتتح رئيس أو ملك أو سلطان كل دوله متحف الفوطه في كل عام مرتين و تتنازع ايديولوجيات الشعوب عن أن هذه الفوطه كانت في الأصل فانله أم كانت ... أي حاجه تانيه و تقوم بعض الأحزاب التي تري أن الفوطه اساسا كانت فانله بيضا و الأخري التي كانت تري أنها فانله زرقا ... و تقوم الحروب الأيدولوجيه مره أخري بسبب الألوان ... و تأتي حضاره أخري من بعيد غير الست دول ... و تحرق كل الفوط و تجبرهم علي شراء فوط جديده .. قصدي فانلات ... و من هنا تبدأ قصة الشاب الرومانسي اللي لو كان عارف الفانله ديه هاتعمل أيه فالأجيال اللي بعده كان حرقها من الأول و لكن هيهات فلا يدرك المرء قيمة الشيء الا أن فات
(أعتذر للأطاله و التعليق الغريب لكنه تداعي حر للأفكار ... البوست بتاعك دمه خفيف أوي )
هاني جورج
انتوك
فعلا بوست جميل
الفكرة تحفة
الحكاية أننا كمصؤيين لينا تصرفات مميزة داخل البيت وخارجة
وتوارثناها حتى أصبحت تقاليد عتيدة
سواء كانت صح أو غلط
وتبقى أنت أكيد أكيد فى مصر
اوعى وشك
شفت لازم نقدر كل حاجه في حياتنا مهما كانت
مصري
ايوه و الله
حقها عليا
امممممممممممممممم
هي اكيد قبل دخولها للمطبخ
daktara
مش كده
ال جاي يبيع للمصريين فوطه
دحنا الي بيعنا كل حاجه
و مش ينفرط في اي حاجه
الي ملوش خير في فانيلته ملوش خير في حد
حائر في دنيا الله
ايوه الكداب بيروح النار
و خالتي نظيفه قالت القطنه ما بتكدبش
و الفانيله من القطن
اذن الفانيله ما بتكدبش
كلبوزتي
يادي النور
يادي الهنا
انتالي عسل و مكرر كمان
هاني انتوك
ايه يا راجل
انت حولتها الى معركه
تعرف و الله كلامك سليم
عارف ليه علشان بعد ما الدول تخلص الحروب الي بينها على الحدود و الدين و البطيخ حدور على اي حاجه
و ممكن الفانيله تكون السبب
اذن الفانله حرام حرام
علشان حتثير الفتن بين الشعوب
فكري بكره اصدر فرمان بتحريمها
ما هي ناقصه
وجع دماغ
نورت البلوج بتاعي
واهلا بك في ارض الكنامه
عمار يا مصر
مين يقدر يستغنى عن الفانله
أنا جربت فوط المطبخ مش فعاله
لكن الفنله القطن ممتازه
خاصة فى مسح الكراسى
وتلميع الأثاث
معندكيش فنله جيل سلف
أعملها ستارة لشباك الحمام
والله صدقتى .. وكحاية دمها خفيف موووووت تعبر عننا بجد
افتي البعض ان الجواز من غير الفانلة المرقعة دي
يعتبر جواز باطل
انا عملت حسابي وواخد فنلات اخواتي كمان
وموصي عمر افندي لما حاجة ترجعلة من زبون يكلمني
ههههههههههه
طب كويس انها جت على الفانلة فيه ناس بتستخدم القطعة التانية
ماعندهاش مشاكل خالص برده بتكون حنينة على الادوات
على فكرة
حسيت وانا بأقرأ الموضوع
اني بأسمع الدكتور عبد المنعم راضي....
هو ا والا مش هوا
يا متعلمة يا بتاعة المدارس
الظاهر ان حضرتك برضه
بكابورتوس نجارة
صح ؟
زمل يعني
عجبتني فكرة دورة الحياة بتاعة المحروسة الفانيلة!
لكن ...
متهيألي انها ما بتوصلش للجهاز
هي بتوصل للكرة الشراب
ودي اخرتها
احيييك
اية داااا؟؟
انتى عايشة معانا فى البيت ولا اية؟؟
انا لحد شهر عدى مدوبة تلات فانيلات من بتوع الواد اخويا فى المطبخ
بقا لونهم زى الوان الطيف
على كل لون يا باتيستا
بس بذمتك
مش نظرية اقتصادية برضو؟ولا نرميها فى الزبالة وبتوع اعادة التصنيع يستنفعوا بيها؟؟
أوامل احنا صامدين اقتصاديا ليــــــه لحد دلوقتى يا حبيبة البى؟؟
من تحت راس نظريات التوفير والاقتصاد المنزلى دى
والا كان تلات أرباع الشعب المصرى على رصيف السيدة وبيقوا لله يا محسنين
نيااهاااهاااا
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
الحدوته حلوه
وطريقة السرد فيها حكايه
ده غير الفايده منها طبعا
أرق تحياتي
أرجو تفضلا منكم جميعا متابعة ما يلي
يوم الاثنين القادم هو يوم غير عادي في عالم المدونات التونسية؛ حدث هام ؛ لأول مرة في المدونات التونسية سيتم تجنيد الجميع من اجل هدف واحد؛ أمر أصبح يؤرق الجميع؛ ألا و هو الحجب المتواصل و الغير المفهوم لبعض المدونات التونسية؛ سنعبر عن رفضنا لهذا التصرف إيمانا منا بحرية التعبير و دفاعا عنها بطريقة حضارية و سلمية؛ سندخل يوم الاثنين 25ديسمبر في اضراب لمدة 24 ساعة؛ لم يتفق إلى الآن على كيفية الإضراب؛ لكن اغلب الآراء ترشح أن يتم نشر مقال ابيض؛ لا يحتوي شيئا؛ لذلك أنا أدعو كل المدونين و المدونات الى المشاركة في هذا الإضراب حتى يكون إضرابا ناجحا و ننجح بذلك في إيصال صوتنا لمن بهمه الأمر. كما قمت و بمبادرة شخصية بدعوة بعض المدونين العرب إلى الانضمام إلينا لان المشكل ليس تونسيا فقط؛ وإنما هو عربي أيضا؛ فلما لا يتحول يوم 25 ديسمبر من كل عام إلى يوم عربي لاحتجاج على الحجب الالكتروني؛ الأمر كله يتوقف على مدى استجابتكم لهذا النداء و حماسكم؛ فكونوا في الموعد
http://www.saharaclub.org/blog/
ام العيال
لازم تهتمي بردود الزوار اكثر من كده
الزباين كده هتطفش
وعلى رأي المثل
قصقصي طيرك لا يلوفك بغيرك
سامحوني للتاخير في الرد بس كان في مشكله في الويندوز العربي المهم
اوسااااااااااااا
حبيبتي انت فين
دخلت عندك لاقيتك مش في المود
ينكد علي منكد عليكي
هو انتي ماقامك جيل برده
احلى ستاره حرير لعيونك
بس يالله
للحمام للحمام
ياسمين
انت يا قمر الي دمك خفيف
بلوجك تحفه يقراه من الشغل بس مش بعلق علشان مافيش عربي
العربي اوقع
شكرا علشان نورتيني
ana ga3an
يا ضنايا يا ابني
نفسك في ايه اعملهولك
ايوه باطل
ما هيه دي الاصاله و الالتزام التقاليد و العادات
عندي شويه فنلات
بس مقاس سنه يمشي ابعتهملك
احمد شقير
بجد بجد فرحت لما شفت الكومنت بتاعك
منور البلوج البسيط بتاعي
الحاجه التانيه منظرها ...مش قد كده
حتى لو كانت جديده
من قلة يعني
الي مزنزق يا جماعه ابعتله فانيله بس بلاش اختها
اكتب بالرصاص
نجاره؟؟؟
ماشي ربنا يسامحك
هو في نكالوريوس نجاره ؟؟؟؟
يا بلاك داي
و الله فكرتني
نسيت الكره الشراب بس دي حتكون اخرتها ملهاش بعد كده لازمه
و الله مهتمه بس يالله
وبعدين تقدرو تستغني عن بوستاتي المتواضعه؟؟؟
انا ما بستغناش عنكو
شهروزتيييييي
يا جميله و حشتيني
تلاقي اخوكي المسكين لابس هدومه عاللحم
الدنيا برد ارحميه
هو اخوكي ده بتاع الانتخابات ؟؟
اذا هو يستاهل
بيااااااااااااااهاااهااا
شفتي الشعب المصري و لا اجدع اقتصادي ايه
محتش يفكر يقرب
هع مين هناك
يا مصر اكتب اليك رسائلي
كل سنه و انت طيب و بالف خير و سعاده
العيال بيسلمو عليك
فين اللحمه
IBN BAHYA
ميرسي يا جميل
موضوعك مهم
ان شاء الله اتواصل
بس ايه السبب في كل ده ؟؟
حلوة الملوخيا
ههههههههه
احنا اخدنا فى دراسات الجدوى أمثلة تانية .. بس باين الدكتور كانت بتتحاشى أمثال على مصر لان المادة كانت بالانجليزى ... بس احنا طبعا عارفين اللى فيها ...... عمااااااار يامصر
اتقد ان الفانلة دي قدس من اقداس المنزل المصري
جايز تتمحور و تبقى بنطلون او جلابية قديمة
زي ما حصل عندي
لكن المهم
ان طول ما المادة لم تتحول الى فراغ
فانه من الممكن الاستفادة منها
موضوع خفيف الدم مثل صاحبته
شكرا يا ام العيال
بس سؤال اخير
بتعملي كده مع هدوم ابو العيال ؟
إرسال تعليق
<< Home