الجمعة، نوفمبر ١٠، ٢٠٠٦

عدنا

وحشتتتتتتتتتتتتتتتتتتتتتتتتتوني يا بلوجريه قد(............................كده.................و اكتر) و الله انا اختفيت شهر تقريبا علشان كنت مشغوله جدا وكنت بخطط لمستقبلي بجديه جدا جتلي فرصه شغل بس من نوع مختلف ما تفهمنيش غلط قصدي التقديم لها صعب جدا جدا الى اقصى درجه و الورق المطلوب شبه بحث تقريبا في مجالات مختله الاول يأست و فقدت الامل من صعوبته و بعدين قلت كلا و الف كلا درجه امتحان بيني و بين نفسي علشان اشوف قدراتي اصل المكان الي مقدمه عليه هيئه اجنبيه و قررت اخوض التجربه و طوال الفتره الي فاتت و انا بحاول و بعدين قدمت و قعدت استنا النتيجه و اذ بي افوجئ بتيليفون علشان في مقابله و بعدين جواب مسجل و في اسماء اللجنه ده كلام كبير اول مره اخاف من ساعة امتحانات الجامعه و اعدت احضر و اعصابي باظت و عرفت انو المقدمين اكتر من الف و هما عايزين 3 بس المهم رحت و كانت ليله يا عمده قصدي لجنه ايه و لا كأني حشتغل وزير وقلت عملت الي عليا و الباقي على الله مفيش احسن من التوكل على الله سبحانه و تعالى ووصيت امه لا اله الا الله يدعولي و جت النتيجه ........اتقبلت هييييييييييييييي مكنتش مصدقه الحمد لله اصل انا قلت اخر محاوله و مش حفكر ادور على شغل جت خلاص هي دي ماجتش مش حدور بس هو دا الي شغلني حاجه كويسه الحمد لله و مش حسبكو تاني و لا حطول عليكو حاسه اني بحكي حكايت قبل النوم و السلام ختام يا ساده يا كرام و عقبال الحبايب يا رب



الاقصى

14 Comments:

At ١٦:٤٢, Blogger tota said...

هالوووووووو
حمد الله على سلامتك
افتقدناك بس الحمد لله ان نتيجة غيابك كانت مشرفة جدا جدا
الف مبروك ليكى وربنا يبارلك ويوفقك
تحياتى

 
At ١٧:٠٧, Blogger كلبوزة لكن سمباتيك said...

الف مبروك يا جميلة ربنا يوفقك في الشغلانة الجديدة و تقدري توفقي بينها و بين البيت و العيال
شدي حيلك عايزين نسمع اخبار حلوة
و تاكدي انك وحشتينا
متغيبيش تاني
و اوعي الشغل ينسيكي البلجرة و البلوجرية

 
At ١٧:١٠, Blogger Amr Ahmed said...

يسعدني اني اكون اول حد يباركلك الف مبروك مش علي الوظيفة علي نجاحك في تحديك لنفسك بغض النظر عن ايه الزظيف وانك تكوني من التلاتة اللي اختاروهم من الالف هو الانسان طالما حط هدف قدامه وعاوز يوصله هايوصله بس بيني وبينك اقتبلتي من غير واسطة ولااااااااا؟يا رب يكون من غير علشان تكوني نجحتي وهل الاختبار كان كوسة ولا اللي يستحق بينجح........والف الف مبروك

 
At ٢٠:١٤, Blogger أم أحمد said...

مبروك عليكي ياجميل

 
At ٢١:٥٠, Anonymous غير معرف said...

الف الف مبروووووووووووووووك يا ام العيال

انبسط قوي بالخبر ده وكاني انا الي اتقبلت

بجد احلى خبر سمعتو اليوم

كل المدونات بقو احباط والكل متشائم

ربنا يوفقك ومطوليش الغيبة

مبروك يا قمر

 
At ٢٣:٠٩, Blogger ام العيال said...

شكرا بحبكوووووووووووووووووو
عندي كميه تفائل غريبه
الحمد لله
و الله والله بلا واسطه مجهود ذاتي خالص مالص
يارب يارب يوفق الجميع من كل قلبي بدعليكو يا اعزائي

 
At ٠٠:٠٨, Blogger Adel said...

تك تك تك با ام سليمان تك تك تك شغلك وين كان هههههههههههههههه نعدل الاغنية علشان خاطر عيونك المهم انا كنت شاكك انك مش ها تكتبي الا بعد الاربعين بتاع العزاء اللي كنت عملاه في البوست اللي فات بس بجد انا فرحت لك ولو اني مش عارف انت رحتى فين ولا جيتي منين بس واضح انك سعيدة فلازم نفرح لفرحك وفرح العيال كمان هههههههههه تحياتي وما تنسيش الحلاوة

 
At ١٩:٤٨, Blogger ... said...

مبرووووووك يا جميلة
ومرحبا بك فى نادى المرأة العاملة
:)

ربنا يديك الصحة

 
At ٢١:٢٨, Blogger مـحـمـد مـفـيـد said...

كم كانت الغيبه طويله ولكن طالما بخير يبقي الحمد لله
وربنا يوفقك

 
At ٠١:٤١, Anonymous غير معرف said...

مبروك ع الوظيفه
عقبال يا رب ما تفرحى بالعيال عيل عيل

 
At ٠١:٤٣, Anonymous غير معرف said...

مبروك ع الوظيفه
عقبال يارب ما تفرحى بالعيال عيل عيل

 
At ٠٦:٢٨, Blogger أُكتب بالرصاص said...

كل سنة وانت طيبة

قصدي..
ألف مبروك،
ربنا يوفقك في الشغلانة دي ،
واخيرا بقا لينا ضهر في الحكومة ،
ونسبنا الحكومة ...
وبقينا قرايب

مبروووك لكل البولجارية

يعني دلوقت انا ممكن اروح السفارة بقلب جامد واطلب أي طلب ، وأديلهم صورة فيروز اللي في البلوج بتاعك !!

لما نشوف
:)

 
At ١٠:٠٦, Anonymous غير معرف said...

مبروووك

اول مرة ادخل عندك كده الاقى خبر حلو

يارب حياتك كلها انجازات واخبار حلوة ورقيقة برقه فيرووزك

 
At ١٣:٤١, Blogger karakib said...

:) rabena ma3aky
antouk

 

إرسال تعليق

<< Home

http://nazweb.jeeran.com/flag.gif
  • tdv,.