18/8/2006
انا عايزه ايه مش عارفه في هذه الرحله ماذا اريد تحديدا
قرات مره لكاتب لا اذكر اسمه انه يجب كل انسانان يكتب خطه يرغب في نحقيقها خلال العشر سنوات من عمره
ساعتها استغربت ؟ لماذا عشره مش خمسه الان عرفت الخمسه يمرو بسرعه بش العشره وقت غير طويل لتحقيق خطط ما من كام يوم بس صار عمري انا انا ثلاثين مش مصدقه بسرعه كده لسه امبارح تعرفت على احمد و كنا بنخطط لحياتنا و كان عمري تسعة عشر و كنا سنه تانيه في الجامعة و حاسين ان لسه كتير فاضل عندو ثلاثون و هو كمان دلوقت عندنا بنت خمس سنين ؟ و ولد امبارح تم سنه ؟ طب عملت ايه يادي الكارثه خلاص حياتي قربت تخلص :( سبت الشغل علشان اربي العيال اللي واضح انهم عم بيربوني بنتي الاروبه بتعدل عليا في كل حاجه !المهم قبل ما يجيلي اكتئاب مزمن قررت اكتب خطه عشريه مبدئيه هي
اولا- اخس اخس اخس يوم زفافي كان وزني 57 لازم اخس الان انا في كارثه بس مس قوي ها من نظري موضوع غير قابل للنقاش
ثانيا -اكتب القصه الي ملاحظاتها في كل حته في دماغي رغم اني كنت قد قررت ان اترك تلك الفكره لكن جو اعز صديقاتي البنت دي هي ما بتتكلش كتير بس لما بتتكلم بتقول جواهر قالتلي اكتبي و اكسبي شرف المحاوله حتى لاتكون حسره اندم عليها بعدين مؤلفة هاري بوتر (بلا تشبيه)
قعدت تلف على الناشرين سنتين و محدش كان مهتم بس النصيب حد قدرها و هلأ من اكبر و اشهر الكتاب
ثالثا : اغير مودي مش عاجبني ارجع زي الاول اعمل الي انا عايزاه مش الي حوليا عايزينه او مش عاجبهم يعني في وقت اقعد فيه لوحدي تماما استرخي فيه و يكون لي يوم واحد على الاقل في الشهر اخرج فيه لوحدي من غير الاولاد الي مسيطرين على حياتي تماما احلى سيطره و اروعها بس انا عايزه اقعد مع انا
رابعا: حنين بنتي لديها مواهب كثيره و جواها طاقه لازم انميها صح بترسم و عندها روح فكاهه غريب و حميده الرغايه لازم تدوش حد غيري حد ينمي الرغي و الطاقه اللي عندها
خامسا: و خامسا دي تحت المداوله ارجع للشغل و لا اعمل مشروع خاص بي و لا اربي ولادي و يبقو هم شغلي الشاغل لاني لما تركت شغلي كنت نائبة مدير و خربت الدنيا و استقلت بلا سبب غير اني تعبت ؟تخرجت اشتغلت و لاسنه راحه شغل في المجال الدبلوماسي عايز تركيز لانو الغلطيه مصيبه غيرته ما ارتحتش مش عارفه
لسه حاجات كتير بس اعمل دول الاول و كتر خير الدنيا
بس فرحتي الاسبوع دي احلى فرحه ميرو ابني مشي :0) تاتا تاتا
posted by ام العيال @ ٦:١٨ م
2 Comments:
انت جميلة
ما تخسيش
لما كتبتى فى بوست انك بتروحى مكتبة ديوان كنت عايزة اكتبلك تعليق يا قلبك وبتعرفى تروحى من غير الولاد لانى تقريبا فى نفس ظروفك لكن اختلف مع ظروفك انى ما زلت اعمل واعمل بمكان احبه لكن احتاج مثلك من وقت لاخر ان انفرد بنفسى بدون الاولاد ولو فى مكتبة لكن ده صعب ايضا اتفق معك فى مسالة ان يكون لدينا خطة مستقبلية لكن هيهات ههههههه ربنا بس يدينا القوة والصبر على الاولاد وابقى قابلينى لو عرفنا نستفرد بنفسنا ولو لحظات مش يوم وعقبال ما يروح ميرو الجامعة ان شاء الله وتفرحى باخواته
إرسال تعليق
<< Home